გორში, USAID-ის სამოქალაქო განათლების პროგრამის პრეზენტაცია გაიმართა

Share post:

გორში, USAID-ის სამოქალაქო განათლების პროგრამის გახსნის ღონისძიება მოეწყო. ორგანიზატორების ინფორმაციით, პროგრამის  მიზანია, მაღალი მოქალაქეობრივი შეგნების, სამოქალაქო პროცესებში ჩართული ახალგაზრდების აღზრდა. მათივე განმარტებით, პროგრამა ითვალისწინებს ტექნოლოგიების დანერგვას სამოქალაქო განათლების სწავლა-სწავლების პროცესში, სკოლაში დემოკრატიული კულტურის განვითარების ხელშეწყობას, ბიზნესისა და სკოლების დაკავშირებას.

პროგრამის მიზნებისა და დაგეგმილი აქტივობების შესახებ პრეზენტაცია “საზოგადოება ბილიკის”  წარმომადგენელმა, ლია გორელიშვილმა გააკეთა. სწორედ ეს ორგანიზაციაა შიდა ქართლში აღნიშნული პროგრამის პარტნიორი.

მარიკა მღებრიშვილი – საზოგადოება “ბილიკის” ხელმძღვანელი

მოსწავლეთა  წარმატებული სასკოლო პროექტი კი დამსწრე საზოგადოებას ქარელის მუნიციპალიტეტის სოფელ კეხიჯვრის საჯარო სკოლის სამოქალაქო კლუბის წევრებმა გააცნეს; 

შეხვედრაზე მოწვეულ სტუმრებს შორის იყვნენ პარტნიორული ქსელის მენეჯერი, PH International – ის წარმომადგენელი თამარ ფრუიძე და გორის მუნიციპალიტეტის მერიის განათლების განყოფილების ხელმძღვანელი, ნინო ბერიანიძე.

მნიშვნელოვანია, რომ პროგრამა მოიცავს 11 რეგიონს, საიდანაც ჩართული იქნება 650 სკოლა ქვეყნის მასშტაბით; ასევე სხვა არასამთავრობო ორგანიზაციები, უნივერსიტეტები და რაც მთავარია ბიზნეს სექტორი. აღნიშნული პროგრამა ხელს შეუწყობს სკოლაში მოსწავლეების და ახალგაზრდების, სამოქალაქო პროცესში ჩართულობის გაზრდას, მათ აქტიურ მოქალაქეებად ჩამოყალიბებას და სკოლაში დემოკრატიული კულტურის განვითარებას. ასეთი პროექტები დემოკრატიული საზოგადოების ჩართულობის და განვითარების საწინდარია. ადგილობრივი თვითმართბელობა მჭიდროდ თანამშრომლობს ნებისმიერ არასამთავრობო ორგანიზაციასთან და ხელს შეუწყობს ასეთი აქტუალური პროექტების განხორციელებას, -აღნიშნა ნინო ბერიანიძემ.  

სამოქალაქო განათლების სწავლების მნიშვნელობაზე, პროფესიულ წინსვლაზე   და  პროგრამის ფარგლებში დაგეგმილი თანამშრომლობის შესახებ, გორის საგანმანათლებლო რესურსცენტრის ხელმძღვანელმა ისაუბრა. ნანა ტერმაკოზაშვილის პროგნოზით, აღნიშნულ პროგრამაში ჩართული სკოლები განსაზღვრულ პერიოდში უფრო მეტად აქტიურები გახდებიან.

ნანა ტერმაკოზაშვილი – გორის საგანმანათლებლო რესურსცენტრის ხელმძღვანელი

ღონისძიებას USAID-ის სამოქალაქო განათლების პროგრამის შიდა ქართლის რეგიონის პარტნიორი სკოლების, ადგილობრივი ხელისუფლების, მედიის და არასამთავრობო სექტორის წარმომადგენლებიც დაესწრნენ.

USAID-ის სამოქალაქო განათლების პროგრამა ხორციელდება  PH International –  საქართველო მიერ, ამერიკის შეერთებული შტატების საერთაშორისო განვითარების სააგენტოს (USAID) დაფინანსებით და საქართველოს განათლებისა და მეცნიერების სამინისტროს მხარდაჭერით.

დაკავშირებული სტატიები

გორის ბიუჯეტი ყოველწლიურად იზრდება, რა იცვლება ადგილობრივების ცხოვრებაში? (2022-2024 წლების ბიუჯეტის ანალიზი)

გორის მუნიციპალიტეტის ბიუჯეტში, საერთო ასიგნებების მოცულობა წლიდან წლამდე იზრდება და შესრულების პროცენტულ მაჩვენებლებში გარკვეული პროგრესი შეინიშნება, თუმცა დოკუმენტების...

რა დარღვევები უნდა აღმოეფხვრა გორის თვითმმართველობას 2021-2025 წლებში?

2021-2025 წლების პერიოდი გორის მუნიციპალიტეტისთვის გრძელვადიანი განვითარების, გამჭვირვალე მმართველობისა და ეფექტური რესურსების მართვის ეტაპი უნდა ყოფილიყო, რადგან სახელმწიფო...

გადაცემა “ფაქტი” – ბავშვთა ქორწინების აღმოფხვრა საერთაშორისო გრანტებით

ბავშვთა ქორწინების აღმოფხვრა საქართველოში სწორედ საერთაშორისო დონორი ორგანიზაციების მხარდაჭერით ხორციელდებოდა. სხვადასხვა მრწამსის, წარმომავლობისა თუ შეხედულების მქონე ადამიანებს შორის თანასწორობასაც...

NEO FEST – 2025 ჯილდო ლიკა თოთლაძეს გადაეცა

NEO FEST-2025 - ს გამარჯვებული ლიკა თოოთლაძე გახდა. მის მიერ მომზადებული ნამუშევრების გარდა, ჯილდო მას ნეო ტვ-სთან აქტიური...