თუ ხარ ახალგაზრდა (14 წლის ზემოთ), ცხოვრობ შიდა ქართლში და გსურს დემოკრატიის თემაზე საუკეთესო ესსეს ავტორი გახდე, შესაძლებლობა გაქვს მონაწილეობა მიიღო კონკურსში, რომელსაც “საზოგადოება ბილიკი” აცხადებს, თემაზე “დემოკრატია იწყება სკოლიდან”.
კონკურსის მიზანია, ახალ თაობაში დემოკრატიული პრინციპების შესახებ ცნობიერების ამაღლება და თანასწორობის დამკვიდრებისთვის ხელშეწყობა. დაინტერესებულმა პირებმა აღნიშნულ საკითხზე, უნდა გაიარონ სპეციალური ტრენინგი, რომელსაც ორგანიზაცია მათთვის 6 ოქტომბერს გამართავს. ტრენინგზე განხილული იქნება, როგორც ესსეს წერის სტრუქტურა და პრინციპები, ისე დემოკრატიის შესახებ, ამბის გადმოცემის ეფექტური მეთოდები.
კონკურსში მონაწილეობის მსურველებმა 1 ოქტომბრამდე უნდა შეავსონ ტრენინგზე დასწრების სარეგისტრაციო ფორმა:
ნამუშევრების გამოგზავნა 25 ოქტომბრამდეა შესაძლებელი. გამარჯვებული გამოვლინდება ოქტომბრის ბოლოს, რომელსაც სიგელი და ფასიანი საჩუქრები გადაეცემა.
კონკურსი ცხადდება შიდა ქართლის რეგიონული ჰაბის – “საზოგადოება ბილიკის” მხარდაჭერით, ევროკავშირისა (EU) და კონრად ადენაუერის ფონდის (KAS) მიერ დაფინანსებული პროექტის “სამოქალაქო საზოგადოების ინიციატივა” ფარგლებში.
