მარსის პირველი დასახლების პროტოტიპს დუბაისთან, უდაბნოში შექმნიან

0
75

მარსზე კოლონიის დაარსება დღეს უკვე განუხორციელებელ მისიად აღარ განიხილება და ამ იდეაზე უკვე რამდენიმე ქვეყანა მუშაობს.
კოსმოსის კვლევა ბოლო წლებში არაბთა გაერთიანებული საამიროების ერთ-ერთ პრიორიტეტს წარმოადგენს, რაშიც ისინი მილიონებს ხარჯავენ.

დუბაიში არსებულმა არქიტექტურულმა კომპანია Bjarke Ingels Group-მა საკუთარი ნამუშევარი წარადგინა, რომლის მიხედვითაც მარსზე პირველი დასახლება უნდა შეიქმნას, იქამდე კი, ქალაქის პროტოტიპს დუბაისთან ახლოს, უდაბნოში ააშენებენ, სადაც დააკვირდებიან, თუ როგორ შეიძლება განვითარდეს მოვლენები.

CNN-ის ინფორმაციით, “მარსის ქალაქი” უდაბნოში 176 000 კვადრატულ მეტრ ტერიტორიაზე განთავსდება, რაც ერთად აღებულ ფეხბურთის 30 მოედანს უდრის. გამოცემის ცნობით, ქალაქის აშენება, საერთო ჯამში 135 მილიონი დოლარი დაჯდება.

სპეციალისტების მტკიცებით, დასახლება გუმბათის ქვეშ აშენდება და გარემოსგან სრულიად იზოლირებული იქნება. მარსზე ტემპერატურა – 63 გრადუს ცელსიუსს შეადგენს. ატმოსფეროს არარსებობის გამო რადიაცია ადამიანის კანს რამდენიმე წამში დაწვავს. ამის გამო ქალაქი მთლიანად დაცული იქნება მზის სხივებისგან.

მეცნიერები ასევე აცხადებენ, რომ დაბალი გრავიტაციის გამო, წყალი თხევად მდგომარეობაში დიდხანს არ გაჩერდება და უფრო მარტივად ორთქლდება, ამიტომ მათი სპეციალურ რეზერვუარებში მოქცევა იქნება საჭირო.

CNN-ის ინფორმაციით, მარსის ქალაქი ელექტროენერგიას მზის ბატარეების მეშვებით მიიღებს. შენობების ასაშენებლად კი ისინი 3D პრინტერს გამოიყენებენ, რომელიც პლანეტაზე არსებულ ქვიშას საშენ მასალად გარდაქმნის.

მეცნიერებს იმედი აქვთ, რომ მათი იდეა გაამართლებს და მარსზე კოლონიის დაარსებას შეძლებენ, შემდეგ კი დასახლებები გაფართოვდება და ერთმანეთს დაუკავშირდება.

LEAVE A REPLY

Please enter your comment!
Please enter your name here