საოკუპაციო ხაზთან, მოსახლეობის უმრავლესობა ევროკავშირის შესახებ ინფორმაციას არ ფლობს

Share post:

საოკუპაციო ხაზთან მდებარე სოფლებში ნეო ტვ-ს პროექტის მონაწილეებმა გამოკითხვა ჩაატარეს. ნათია სიდამონიძემ და ლიკა ომაძემ რესპონდენტები გორის მუნიციპალიტეტის სოფლებში, ნიქოზსა და ხვითში, შემთხვევითობის პრინციპით შეარჩიეს, კითხვები კი ევროკავშირის შესახებ დაუსვეს. კვლევის მიზანი იყო საოკუპაციო ხაზის სოფლებში ევროკავშირისადმი არსებული დამოკიდებულებების გამოკვეთა და გავრცელებული ყალბი ამბების საპირისპიროდ მათი ცნობიერების გაზრდა. გამოკითხვისას მოსახლეობის დიდი ნაწილი აღნიშნავდა, რომ ევროკავშირის საქმიანობისა და მიზნების შესახებ ინფორმირებულია, თუმცა სხვა კითხვების შედეგად გამოიკვეთა, რომ ისინი რეალურ ინფორმაციას არ ფლობენ.

“გვაინტერესებდა რამდენად იცოდნენ ადგილობრივებმა ევროკავშირის საქმიანობის შესახებ, ასევე გვაინტერესებდა მათი დამოკიდებულება საქართველოს ევროკავშირში გაწევრიანებასთან დაკავშირებით. აღმოჩნდა, რომ გამოკითხულთა უმრავლესობას არ ჰქონდა სათანადო ინფორმაცია ევროკავშირის საქმიანობის შესახებ, ფიქრობდნენ, რომ ის იყო სამხედრო ორგანიზაცია, როგორიცაა ნატო. ამასთან, ზოგიერთმა დააფიქსირა, რომ საქართველო უკვე არის ევროკავშირის წევრი ქვეყანა, რაც, რა თქმა უნდა, არ შეესაბამება რეალობას. ყოველივე ზემო ხსენებულის გათვალისწინებით, მოსახლეობას პარალელურად მივაწოდეთ სწორი ინფორმაცია, რასაც მათი ინტერესი და დადებითი გამოხმაურება მოჰყვა,”-აღნიშნა პროექტის მონაწილემ, ნათია სიდამონიძემ. 

ერთ-ერთი კითხვა ევროკავშირში საქართველოს გაწერვიანების პერსპექტივასაც ეხებოდა, გამოკითხული მოსახლეობის უმრავლესობა (80%) ემხრობა ქვეყნის ევროპულ მომავალს და სურვილი აქვს რომ საქართველო გახდეს ევროკავშირის წევრი. 

“ჩვენი მიზანი იყო გამოგვევლინა, თუ რამდენად ჰქონდა ხალხს ინფორმაცია ევროკავშორის შესახებ. გამოკითხვის შედეგად აღმოჩნდა, რომ მოსახლეობის უმეავლესობას, მათ შორის ახალგაზრდებს, არ აქვთ სრულყოფილი ინფორმაცია ამ გაერთიანების მიზნებზე, საქმიანობაზე ღირებულებებსა და ა.შ. სამწუხარო ფაქტია, რომ გარკვეული ნაწილი ხშირად ხდება კრემლის მიერ გავრცელებული დეზინფორმაციის მსხვერპლი და ეს გავლენები გამოკითხვის პროცესშიც თვალში საცემი იყო. გარდა იმისა, რომ გავიგეთ მოსახლეობის დამოკიდებულება და ცოდნა ევროკავშირზე, ჩვენ თავად განვუმარტეთ რა არის ევროკავშირი და რა უპირატესობებს მოგვცემს მასში ინტეგრაცია. ვფიქრობ სამომავლოდ უფრო მეტი ყურადღება უნდა გავამახვილოთ და მეტი ვიმუშაოთ ამ ადამიანების ინფორმირებულობის გაზრდისთვის,“- აღნიშნა პროექტის მონაწილემ, ლიკა ომაძემ.

გამოკითხვა ნეო ტვ-ს პროექტის ფარგლებში ჩატარდა, რომლის მხარდამჭერია “ფონდი ტასო”.

დაკავშირებული სტატიები

სკოლებში, ინფორმაციული უსაფრთხოების შესახებ, NEO TV – მ ტრენინგები დაიწყო

ონლაინ უსაფრთხოებასთან დაკავშირებით, გორის სკოლებში ტრენინგ-სემინარები მიმდინარეობს. პირველ ასეთ შეხვედრას გორში, მე-8 საჯარო სკოლამ უმასპინძლა. მოზარდებს საკუთარი გამოცდილება...

დირბელმა ქალებმა სექსუალური შევიწროების ფაქტებზე იმსჯელეს და უსაფრთხოების გზები განიხილეს

საოკუპაციო ხაზთან მდებარე სოფელ დირბში ადგილობრივ ქალებს ტრენინგი ჩაუტარდათ თემაზე "უსაფრთხოება ონლაინ და ფიზიკურ სივრცეში". შეხვედრას GMG-ს კიბერუსაფრთხოების...

“არა რუსულ კანონს” – გორში ახალგაზრდების მარში დაიგეგმა

არა რუსულ კანონს! არა რუსულ რეჟიმს! - ამ ლოზუნგებით გორში, 19 მაისს, 19:00 საათზე ახალგაზრდების მარში გაიმართება. ახალი...

“ვდგავართ ჩვენი ქვეყნის გვერდით ევროკავშირისკენ მიმავალ გზაზე” – გორის უნივერსიტეტის სტუდენტები

არა რუსულ კანონს! არა ძალადობას! ქვეყანაში განვითარებულ პროცესებს გორის უნივერსიტეტის სტუდენტებიც ეხმაურებიან და მხარდაჭერას უცხადებენ ქვეყნის განვითარებას ევროინტეგრაციის...