“წინააღმდეგობის ერთი წელი” – უკრაინაში რუსეთის შეჭრის შედეგები გორში შეაჯამეს

Share post:

აღმოსავლეთ ევროპის ცენტრი მრავალპარტიული დემოკრატიისთვის (EECMD)ეგიონალურ კონფერენციებს იწყებს სახელწოდებით  “რუსეთის აგრესია უკრაინაში: წინააღმდეგობის ერთი წელი”, შეხვედრაზე განიხილეს საქართველო-უკრაინის ურთიერთობები ომის დროს და მის შემდგომ პერიოდში, არსებული სამხედრო პერსპექტივები და ომის ფონზე საერთაშორისო გარემოს მნიშვნელოვანი ცვლილებები.

გორის გარდა რეგიონალური კონფერენციები საქართველოს კიდევ 5 ქალაქს მოიცავს: თბილისს, თელავს, ქუთაისს, წალენჯიხასა და ბათუმს. შეხვედრებში მონაწილეობას მიიღებენ პოლიტიკური პარტიების, არასამთავრობო ორგანიზაციების, მედიისა და საელჩოს წარმომადგენლები.

რეგიონალური კონფერენციები უკრაინაში ჰოლანდიის საელჩოს ფინანსური მხარდაჭერით იმართება საქართველოში უკრაინის საელჩოსთან თანამშრომლობით.

მომხსენებელთა შორის იყვნენ გორის დემოკრატიის სკოლის კურსდამთავრებულები.

“2023 წლის თებერვალს შესრულდება ერთი წელი, რაც რუსეთი შეიჭრა უკრაინაში და დაარღვია ქვეყნის სუვერენიტეტი და დამოუკიდებლობა. უკრაინელების მტკიცე და მოულოდნელი წინააღმდეგობის შედეგად, უკრაინელმა ხალხმა განდევნა აგრესორი ძალები იმ მრავალი ტერიტორიიდან, რომელიც რუსეთის არმიამ დაიკავა. თუმცა, ომის დასრულებამდე ჯერ კიდევ შორია და უკრაინის ტერიტორიები კვლავ ოკუპაციის ქვეშაა. ორივე მხარე ემზადება ახალი სამხედრო მოქმედებებისთვის, რომელმაც შესაძლოა ახალი დინამიკა შემატოს ბრძოლის ველს მიმდინარე წლის გაზაფხულზე. ერთწლიანმა ომმა მნიშვნელოვნად შეცვალა რეგიონული უსაფრთხოების არქიტექტურა და არსებული საგარეო პოლიტიკური დოქტრინა. სწორედ ამ მიზნით, საჭიროა საფუძვლიანად განვიხილოთ გასული წლის გამოცდილება და სამომავლო სცენარები. ამავდროულად, მნიშვნელოვანია ქართული საზოგადოების ცნობიერების ამაღლება ომში მყოფი უკრაინის პოზიციებისა და პერსპექტივების შესახებ, რომელიც ხშირად არასწორად იყო წარმოდგენილი. საჭიროა განვიხილოთ ამჟამინდელი საერთაშორისო პოლიტიკური და უსაფრთხოების მდგომარეობა და საქართველო-უკრაინის ურთიერთობები, რომელიც ბოლო დროს უპრეცედენტო დაძაბულობისა და შეტევის ქვეშ მოექცა”, – აღნიშნეს შეხვედრაზე.

დაკავშირებული სტატიები

პოდკასტების კონკურსი – NEO FEST-2025 – ის გამოსავლენად

NEO TV აცხადებს პოდკასტების კონკურსს, NEO FEST – 2025 - ის მფლობელის გამოსავლენად. დაინტერესებულმა პირებმა neotv.ge@gmail.com - ზე...

ბავშვების აღზრდა ხელოვნური ინტელექტის ეპოქაში-განვითარების ახალი გზა თუ ტვინის მოდუნების საფრთხე?

ანა სვიანაძე 21-ე საუკუნის ბავშვები იზრდებიან გარემოში, სადაც ტექნოლოგიები აღარ არის დამატებით შესაძლებლობები - ისინი ყოველდღიური ცხოვრების ორგანული ნაწილი...

როგორ ავირიდოთ თავიდან დეზინფორმაცია-პროპაგანდის გავლენა?

როგორ ავარიდოთ თავიდან  დეზინფორმაცია-პროპაგანდა სოფლად მცხოვრებ ახალგაზრდებს?სიმულაციები ამ საკითხზე რეალური პრობლემების გადაჭრისთვის შედგა. სამუშაო შეხვედრა რუსთავში, "სამოქალაქო განვითარების...

ბავშვებს ონლაინ სივრცეშიც სჭირდებათ დაცვა – ტრენინგი “მეცნიერებათა სკოლაში”

სოციალურ ქსელებში ყოველდღიურად ვაწყდებით არაზუსტ ან მავნე ინფორმაციას – სწორედ ამიტომ ჩატარდა გორში, "მეცნიერებათა სკოლაში" მედიაწიგნიერების ტრენინგი, სადაც...