შიდა ქართლის სოფლებში ნეო ტვ-მ შეხვედრები დაიწყო. გორის, ქარელის, ხაშურის და კასპის მუნიციპალიტეტებში, მათ შორის საოკუპაციო ხაზთან და დევნილთა დასახლებებში აქტივისტთა ჯგუფი მუშაობს, რომლის წარმომადგენლები ადგილობრივებს პირადად ხვდებიან და მოახლოებულ საპარლამენტო არჩევნებში, მოსახლეობის აქტივობის მნიშვნელობაზე ესაუბრებიან.
პროექტის მონაწილეებმა სპეციალური ტრენინგ-სემინარები გაიარეს, რასაც სოფლად მცხოვრებ მოქალაქეებს ადგილზე უზიარებენ. გავრცელებული დეზინფორმაციის საპირწონედ, ფაქტებზე დაფუძნებულ საკითხებს აცნობენ და ქვეყანაში დემოკრატიული პროცესების განვითარების აუცილებლობასა და ევროკავშირში საქართველოს გაწევრიანების შემთხვევაში, მოსალოდნელ უპირატესობებს აცნობენ.
პროექტი ხორციელდება ნეო ტვ-ს მიერ, სამართლიან არჩევნებთან პარტნიორობის ფარგლებში, ევროკავშირის მხარდაჭერით.
