“ამ ქალაქს რუსეთი ბომბავდა” – გორელებმა “რუსული კანონი” გააპროტესტეს

დედაქალაქში მიმდინარე პროცესების პარალელურად, მშვიდობიანი საპროტესტო აქცია მოეწყო გორში. “ამ ქალაქს რუსეთი ბომბავდა” , “არა რუსულ კანონს” – ამ სახის ლოზუნგებით გამოსვლას ახალგაზრდებიც შეუერთდნენ. ლომჭაბუკის სკვერში შეკრებილები აღნიშნავდნენ, რომ დემოკრატიულ ქვეყანაში ხელისუფლება ვალდებულია ხალხის ხმა მოისმინოს და მოქალაქეთა სურვილის წინააღმდეგ არ იმოქმედოს. “ხალხის არჩევანი კი არის ევროპული მომავალი და არა – რუსული კანონი” – აცხადებდნენ აქციის მონაწილეები.