გორში, ხელოვნების სახლში გამართულ გამოფენაზე დღეს, სტუმრების ყურადღება სამოქალაქო აქტივისტის, თეონა ფანქველაშვილის მესიჯმა მიიპყრო, რომელიც მაისურზე ჰქონდა გამოსახული.
ღონისძიებას ევროკავშირის სხვადასხვა ქვეყნის ელჩები ესწრებოდნენ, რომლებმაც არსებული რეალობა ადგილზე ნახეს და იმ ადამიანებს გაესაუბრნენ, რომლებაც “ქართული ოცნების” რეპრესიები პირადად გამოსცადეს.
“გამოფენა ეძღვნებოდა იმ რეალობას, რაც დღეს საქართველოში ხდება. ეს არის მხარდაჭერა “არტ ჰაუსის” და ასევე ყველა იმ აქტივისტის, რომელიც ბრძოლის წინა ხაზზე დგას და ყოველდღე ქუჩაშია, ჩვენი ევროპული ღირებულებების დასაცავად. ყურადღება მიიქცია ჩემმა მაისურმა, რადგან მასზე ასახულია ნაწილი იმ სისატიკისა და ტერორის, რასაც ხელისუფლება საკუთარი მოქალაქეების მიმართ ყოველდღიურად ახორციელებს. მომეცა საშუალება ელჩებს გავსაუბრებოდი, მეთქვა ის არსებული მდგომარეობა, რაც ხდება ჩვენს ქალაქში და რეგიონში. ლატვიის ელჩმა აღნიშნა, რომ ჩვენ ის საშინელი ისტორია გვაერთიანებს, რასაც საბჭოთა კავშირი და რუსეთი ჰქვია. ევროკავშირის ელჩმა კი მხარდაჭერა გამოგვიცხადა აქტივისტებს და იმ ადამიანებს, ვინც გორში ყიველდღიურად ვდგავართ აქციაზე,”-აღნიშნა თეონა ფანქველაშვილმა.
შეხვედრის მონაწილეთა შეფასებით, ქვეყანაში მიმდინარე რეპრესიების ფონზე, რეგიონებში მსგავსი ვიზიტები/ღონისძიებები მნიშნელოვანია, რადგან ცენტრიდან, განსაკუთრებით ოკუპირებულ ტერიტორიებთან ახლოს მდებარე მუნიციპალიტეტში, არსებული რეალობა ნაკლებად იგრძნობა. საზოგადოების ნაწილი ამ პერიოდში ევროკავშირის ქვეყნების გააქტიურებას მნიშვნლოვნად მიიჩნევს და ადგილზე მოქალაქეთა გაძლიერებისთვის მათი მხარდაჭერის გაგრძელების იმედი აქვს.
