დასრულდა გორსა და თბილისში 2 დღიანი შეხვედრა, რომელსაც “საქართველოს კარიტასი” ჯანმრთელობის დაცვის პროგრამის ფარგლებში ატარებდა შინმოვლის გუნდებისთვის. ორგანიზატორების განმარტებით, ტრენინგი იმ ძირითად საკითხებს მოიცავდა, რომლებიც აუცილებელია რეგიონში ხარისხიანი და ეფექტური სერვისების მიწოდების უზრუნველსაყოფად.
“უნდა აღინიშნოს რომ, საქართველოს კარიტასი ჯანმრთელობის დაცვის პროგრამის გორის ოფისმა უკვე დაიწყო სხელმწიფო პროგრამით გათვალისწინებული მომსხურების მიწოდება მოსახლეობისათვის. მომსახურების საჭიროების პირებმა უნდა მიაკითხონ გორის სოციალური მომსახურების
ცენტრს. დამატებითი ინფორმაციის მისაღებად მსურველებს შეუძლიათ მიაკითხონ
საქართველოს კარიტასის ჯანმრთელობის დაცვის პროგრამის გორის შინმოვლის ოფისს
მდებარე – ნინოშვილის ქ. 90, ტელ. 27-49-57” – აღნიშნეს შეხვედრაზე.
მოკლე ინფორმაცია შინმოვლის მომსახურებისა და საჭიროების შესახებ:
თბილისში შინმოვლის მომსახურება მოსახლეობას 1994 წლიდან მიეწოდება. თბილისის და გორის გარდა, საქართველოს კარიტასის შინმოვლის პროექტები ხორციელდება ახალციხეში, ქუთაისში, ოზურგეთსა და ბათუმში. შინმოვლის მომსახურების ძირითადი მიზანია, მოსახლეობის
ჯანმრთელობის მდგომარეობის სტაბილიზაცია და ქრონიკული დაავადებების გართულების
თავიდან აცილება. საქართველოს კარიტასის ჯანმრთელობის დაცვის პროგრამის პროფესიონალი
მრავალდარგოვანი გუნდი სამედიცინო და სოციალურ მომსახურებას დახმარების საჭიროების მქონე პირებს ბინაზე უწევს.
საქართველოს მოსახლეობის 2014 წლის აღწერის დროს აღრიცხულია 185 000 ადამიანი, რომელიც
ჯანმრთელობის მდგომარეობის გამო დამოკიდებულია გარეშე დახმარებაზე და საჭიროებს შინმოვლას. ამ სახის მომსახურება არ იყო შეტანილი საყოველთაო დაზღვევის პაკეტში 2024 წლამდე. მხოლოდ რამდენიმე ასეულ ადამიანს მიუწვდება ხელი საქართველოს კარიტასის და სხვა მიმწოდებლების შინმოვლის მომსახურებაზე, რომელსაც აფინანსებდნენ საზღვარგარეთის დონორები.
“შინმოვლის მომსახურების მიწოდებასთან ერთად, საქართველოს კარიტასი ხელს უწყობს ამ
სფეროსთვის საჭირო კადრების მომზადებას, საკანონმდებლო ბაზის შემუშავებას და
ადგილობრივი თვითმმართველობების შესაძლებლობების განვითარებას ზრუნვის
მუნიციპალური პროგრამების დაგეგმარების და ადმინისტრირების საკითხებში”, -წერია ორგანიზაციის მიერ გავრცელებულ განცხადებაში.
