გორის მე-3 სკოლის ეზოში მოსწავლე ძაღლმა დაკბინა – მშობლები უსაფრთხოების ზომებს ითხოვენ

Share post:

გორში, მე-3 სკოლის მოსწავლე ძაღლმა დაკბინა. თვითმხილველების განმარტებით, შემთხვევა სკოლის ეზოში მოხდა. მათივე თქმით, მიუსაფარი ცხოველები მიმდებარე ტერიტორიაზე ხშირად უნახავთ, რომლის შესახებაც არაერთხელ განაცხადეს, თუმცა ამაოდ. სკოლის ღობეებს შორის არსებული სივრცეებიდან ძაღლები ქუჩიდან სკოლის ეზოში მაინც აღწევენ.

უკვე გვეშინია ბავშვების სკოლაში გაშვება. დღეს არავის აქვს იმდენი დრო, რომ ბავშვს დაელოდოს გაკვეთილების დაწყებიდან დასრულებამდე, რომ სკოლის ეზოში გამოსვლისას ძაღლმა არ უკბინოს. ხომ შეიძლება რაიმე გამოსავალი მოიძებნოს, ამდენი ხანია ეს პრობლემაა, ყოველდღიურად ვხედავთ სკოლასთან მიუსაფარ ცხოველებს, მათ შორის რამდენიმე აგრესიულია. ვის მოვთხოვოთ პასუხი ბავშვს რომ რამე მოუვიდეს?,”-ამბობენ მე-3 სკოლის მოსწავლეების მშობლები.

ნეო ტვ რესურსცენტრის ხელმძღვანელს დაუკავშირდა და მოზარდის მდგომარეობასთან ერთად, პრობლემის მოგვარების შესაძლებლობით დაინტერესდა. ნანა ტერმაკოზაშვილის განმარტებით, პრობლემა მათთვის ცნობილია და მსგავსი ფაქტების გამორიცხვის მიზნით, სათანადო ზომების მიღებაც იგეგმება.

” ბავშვი კარგადაა. სამწუხაროდ მომავალშიც არ ვართ დაზღვეულები.. სკოლის ეზოს ღობეებში ეტევიან ძაღლები და სკოლა გეგმავს ამ ღობეების შემცირებას, ანუ ღობის გადაკეთებას. ცხოველთა თავშესაფარსაც მიმართა სკოლამ რამდენჯერმე, მაგრამ პრობლემა პრობლემად დარჩა” – აღნიშნა ნანა ტერმაკოზაშვილმა.

მიუსაფარი ცხოველების საკითხი, სხვადასხვა კვლევების მიხედვით, გორში ერთ-ერთ მთავარ პრობლემას წარმოადგენს. ამ მიზნით, გორში ცხოველთა ინტერმუნიციპალური თავშესაფარიც შეიქმნა, თუმცა ადგილობრივების ნაწილი ამ მხრივ თავს დაცულად მაინც ვერ გრძნობს. მიუსაფარი შინაური ცხოველების მართვის ხელშეწყობისთვის ადგილობრივ ხელისუფლებას ბიუჯეტში თანხები აქვს გათვალისწინებული, რომელიც 2022 წელს, 478 ათას 200 ლარით იყო წარმოდგენილი, 2023 წელს კი ამ პრობლემის მოსაგვარებლად, გორის ბიუჯეტიდან 551 ათასი ლარია გამოყოფილი.

დაკავშირებული სტატიები

გორის მუნიციპალიტეტში, 8-დან 5 სოფელში სასმელი წყალი დაბინძურებულია

გორის მუნიციპალიტეტის სოფლებში - ბროწლეთში, ტყვიავში, ტირძნისში, ფხვენისში, კარალეთში, ქიწნისში, ქვემო ხვითსა და შავშვებში სასმელი წყლის ხარისხი შეამოწმეს....

ევროკავშირზე გავრცელებული მითების გაქარწყლება ფაქტებით შეგვიძლია – თათია ინჯგია

თათია ინჯგია ისტორიულად, საქართველოს საგარეო პოლიტიკა და მისი ეროვნული არჩევანი ყოველთვის დასავლური სამყაროსკენ სწრაფვით იყო განპირობებული. ჩვენი ქვეყნის ქრისტიანულმა...

ევროინტეგრაცია და დემოკრატია საქართველოში 2024 წლის მოვლენების ფონზე

ლიკა მზარეულიშვილი 2024 წელი საქართველოსთვის მნიშვნელოვანი ეტაპია ევროინტეგრაციისა და დემოკრატიის განვითარების გზაზე. ბოლო წლები სერიოზულ გამოწვევებს და საკვანძო გადაწყვეტილებებს...

“რუხი ზონა” – ჰიბრიდული ომის შესახებ გორში დისკუსია გაიმართა

"ჰაკერები თავისუფალი ხალხია. ისინი ჰგვანან ხელოვანებს, რომლებიც თუ კარგ ხასიათზე არიან, დილით დგებიან და იწყებენ ხატვას. ჰაკერებიც ასე...