NEO TV-მ დახურვის ღონისძიებაზე კვლევის შედეგები წარმოადგინა, რომელსაც გორის მუნიციპალიტეტის სკოლებში 6 თვის განმავლობაში აწარმოებდა. ჯამში სპეციალისტები 13-სკოლაში, 12-18 წლამდე ასაკის მოზარდებს ხვდებოდნენ, მათ სჭიროებებს ისმენდნენ და გარკვეულ რეკომენდციებსაც გასცემდნენ.
ფსიქოლოგები შედეგებს საგანგაშოს უწოდებენ და აცხადებენ, რომ სკოლებში სპეციალისტების ინტენსიური მუშაობაა საჭირო. ხშირ შემთხვევაში მოზარდები თავს უსარგებლოდ თვლიან, არ აქვთ ჯანსაღი კომუნიკაცია ოჯახის წევრებთან თუ პედაგოგებთან და უჭირთ ემოციების მართვა, – ეს ის მთავარი აქცენტებია, რაც NEO TV – ს კვლევის შედეგებშია ასახული.
პროექტი, გორის მუნიციპალიტეტის მერიის თანადაფინანსების პროგრამის ფარგლებში განხორციელდა. გორის მუნიციპალიტეტის 10 სკოლაში ფსიქოლოგები მოზარდების გარდა მათ მშობლებსა და პედგოგებსაც შეხვდნენ. იმ აუდიტორიას კი ვისაც ფსიქოლოგებთან შეხვედრის სასუალება არ ჰქონდათ, მომზადდა ჯამში 20 გადაცემა – “ნეომედი” და “ნეოლაბი”. პირველი ეხებოდა სხვადსხვა სახის ფსიქოლოგიური პრობლემების მიმოხილვას, ხოლო მეორე კიბერუსაფრთხოებასა და ციფრულ სივრცეში არსებული გამოწვევებისა და რისკების თავიდან აცილების შესაზლებლობებს.
