თუ ხარ 14-30 წლამდე და ცხოვრობ გორის მუნიციპალიტეტში, შეგიძლია ჩაერთო გორის ახალგაზრდული ცენტრის პროექტში -“You(th) for you(th)r spaces”
პროექტის მიზანია, გორის მუნიციპალიტეტში, ასევე, ოკუპაციით დაზარალებულ სოფლებში, მცხოვრები ახალგაზრდული მუშაკების კომპეტენციების გაძლიერება, ახალგაზრდული ცენტრების/სივრცეების განვითარებისთვის.
შეხვედრები 1-7 ივნისს, ბაკურიანში ჩატარდება.
“პროექტში მონაწილეობა შეუძლიათ: გორელ ახალგაზრდებთან მომუშავე, 14-30 (ლიმიტირებული რაოდენობით 30+-იც) ასაკის ახალგაზრდებს, რომლებიც წარმოადგენენ ახალგაზრდულ ორგანიზაციებს/საინიციატივო ჯგუფებს. მონაწილეების შერჩევის დროს პრიორიტეტი მიენიჭებათ გამყოფ ხაზთან მდებარე სოფლებში მომუშავე ახალგზარდებს/ახალგაზრდულ მუშაკებს და გორის ახალგაზრდული ცენტრის წევრებს“,- აცხადებს პროექტის წარმომადგენელი, მედეა პავლიაშვილი.
გორის ახალგაზრდული ცენტრის ინფორმაციით, ტრენინგის შემდეგ მონაწილეებმა უნდა განახორციელონ ადგილობრივი აქტივობები (ტრენინგების სერია ან/და საინფორმაციო კამპანია), რომლის გეგმაც ტრენინგის პერიოდში შეიმუშავებენ.
დაინტერესებულმა პირებმა 2024 წლის 15 აპრილამდე უნდა შეავსონ სააპლიკაციო ფორმა: https://forms.gle/7d2u83NxxRC6VX7F8
ტრანსპორტირების, კვების და სასტუმროს ხარჯები დაფარულია პროექტის მიერ.
პროექტის წარმატებით გავლის შედეგად მონაწილეები დაჯილდოვდებიან სერტიფიკატებით.
პროექტი დაფინანსებულია ევროპის საბჭოს ევროპული ახალგაზრდული ფონდის მიერ.
