ვიზუალური მასალების კონკურსი ყალბი ამბების გამოსავლენად – გამარჯვებულს თანხა გადაეცემა

Share post:

Neo Tv აცხადებს კონკურსს, დეზინფორმაციისა და რუსული პროპაგანდის წინააღმდეგ, მონაცემებზე დაყრდნობით მომზადებული საუკეთესო ვიზუალური მასალის გამოსავლენად. აუცილებელია, რომ ავტორმა, ნამუშევრის მომზადებისას, გამოიყენოს https://askgov.ge/ – დან გამოთხოვილი საჯარო ინფორმაცია, მონაცემები კი ვიზუალურად, საკონკურსო მასალაში ასახოს.

საკონკურსო მასალა მისმა ავტორმა (აუცილებელია იყოს სრულწლოვანი), უნდა გამოგზავნოს neotv.ge@gmail.com – ზე, 2023 წლის 12 აგვისტოს ჩათვლით.

კონკურსში მონაწილეობის მსურველებს NEO TV უფასო მასტერკლასს სთავაზობს, სადაც ერთი კვირის განმავლობაში (როგორც ონლაინ, ისე ფიზიკურ სივრცეში) ისინი მენტორების დახმარებით შეარჩევენ თემას, გაეცნობიან ღია წყაროების ხელმისაწვდომობის საშუალებებს, გამოითხოვენ საჭირო მონაცემებს და გამოიმუშავებენ ამბის ეფექტურად გადმოცემის უნარს. დასასრულს კი ისინი გაივლიან კონსულტაციებს ვიზუალიზაციების აწყობასთან დაკავშირებით, რაც უფრო კონკურენტუნარიანს გახდის თითოეულ მონაწილეს.

მასტერკლასის გავლის მსურველებმა პირველ აგვისტომდე, მითითებულ მეილზე უნდა გამოგზავნონ სამოტივაციო წერილი (ნახევარი გვრდი) და საკონტაქტო ინფორმაცია.

გამარჯვებული ვიზუალიზაციის ავტორი აგვისტოს ბოლოს გამოვლინდება და მას ფულადი ჯილდო გადაეცემა.

კონკურსი Neo Tv -ს პროექტის ფარგლებში, ForSet – ის მხარდაჭერით ტარდება.

დაკავშირებული სტატიები

მთიანი ყარაბაღი 3000-მდე ადამიანმა დატოვა – სომხეთის ხელისუფლება

სომხეთის მთავრობის ოფიციალური განცხადების მიხედვით, 25 სექტემბრის 06:00 საათისთვის მთიანი ყარაბაღიდან სომხეთში გაემგზავრა 2906 იძულებით გადაადგილებული პირი, რომელთაგან...

საოკუპაციო ხაზთან, მოსახლეობის უმრავლესობა ევროკავშირის შესახებ ინფორმაციას არ ფლობს

საოკუპაციო ხაზთან მდებარე სოფლებში ნეო ტვ-ს პროექტის მონაწილეებმა გამოკითხვა ჩაატარეს. ნათია სიდამონიძემ და ლიკა ომაძემ რესპონდენტები გორის...

ცხინვალთან ახლოს, ახალგაზრდებმა ევროკავშირის სიკეთეები განიხილეს

რისთვის გვჭირდება ევროინტეგრაცია? - ეს იყო საუბრის თემა, გორის მუნიციპალიტეტის სოფელ ფხვენისში გამართულ შეხვედრაზე, რომელსაც ნეო ტვ-ს პროექტის...

“დემოკრატია იწყება სკოლიდან”​ – ესსეების კონკურსი შიდა ქართლში მცხოვრები ახალგაზრდებისთვის

თუ ხარ ახალგაზრდა (14 წლის ზემოთ), ცხოვრობ შიდა ქართლში და გსურს დემოკრატიის თემაზე საუკეთესო ესსეს ავტორი გახდე, შესაძლებლობა გაქვს მონაწილეობა მიიღო...