“მაგდანას ლურჯა”, “ცისკარა”, – უფლისციხეში გადაღებული ფილმები ამ სოფლის კინო კლუბში ვაჩვენეთ – ნინო წიწიკაშვილი

Share post:

მე ვარ ნინო წიწიკაშვილი 13 წლის გორის მუნიციპალიტეტის სოფელ უფლისციხიდან, ვსწავლობ ამავე სოფლის სკოლაში. ერთი წელია დაინტერესებული ვარ ხალხური საკრავებით. ვუკრავ: ფანდურზე, ბას ფანდურზე, დაირაზე, ტამტამზე, დოლზე, სალამურზე, გიტარაზე. ვცდილობ მუდმივად ვიყო აქტიური ახალგაზრდა და ხშირად ვწერ პროექტებს. დიდი მხარდაჭერა მაქვს სკოლიდან. გასულ წელს “გორის ახალგაზრდულმა საბჭომ” გამოაცხადა ახალგაზრდული კონკურსი, სახელწლოდებით „ახალგაზრდები წარმატებისთვის“, საბჭოს წევრებმა გაგვაცნეს პროექტის მნიშვნელობა ასევე ჩაგვიტარეს ტრნინგები მოხალისეობაზე და სამოქალაქო აქტივიზმზე, რის შემდეგაც გადავწყვიტე მიმეღო მონაწილეობა კონკურსში.

პირველ რიგში ჩამოვაყალიბე გუნდი, ნამდვილად საუკეთესო გუნდის წევრებით: ლიკა ნაზარაშვილი 14 წლის, ნათია ბასიშვილი 13 წლის, მარიამ სადაღაშვილი 12 წლის, მარიამ მახარაშვილი 12 წლის და მარიამ მამისაშვილი 13 წლის, ისინი მთელი პროექტის განმავლობაში აქტიურად მეხმარებოდნენ და ცდილობდნენ მაქსიმალური ენერგია ჩაედოთ საერთო საქმეში. დავწერეთ პროექტი, ჩვენი სოფლის პრობლემაზე, რომელიც ეხებოდა მოსწავლეების ნაკლებ ცნობადობას ქართული ფილმების მიმართ. უფლისციხე როგორც ისტორიული და კულტურული ძეგლი საკმაოდ მიმზიდველი იყო კინოხელოვანებისთვის. ძალიან ბევრი და შესანიშნავი ფილმია გადაღებული უფლისციხეში, მაგალითად: მაგდანას ლურჯა,ფიროსმანი, არდადეგები, უსახელო უფლისციხელი, ცისკარა და ა. შ. საოცარი ფაქტია, რომ ამ ფილმებში მონაწილეობას აქტიურად იღებდნენ ძველი უფლისციხელები, მათ შორის ჩემი ბაბუა, რომლის ფოტოებიც შემთხვევით აღმოვაჩინე საოჯახო არქივში.

ჩვენმა გუნდმა გადაწყვიტა ჩამოეყალიბებინაა “კინო კლუბი”, სადაც გავუშვებდით ჩვენ სოფელში გადაღებულ ფილმებს. ჩვენთვის ძალიან მნიშვნელოვანია ეს კინო კლუბი, რადგან ჩვენ სოფელში გადაღებულ ფილმების ჩვენებით ჩვენ ავამაღლებთ ახალგაზრდების დაინტერესებას და სიყვარულს როგორც კინოხელოვნების, ისე მათი საკუთარი სოფლის მიმართ, ამით დავაბრუნებთ კინო ხელოვნებას უფლისციხეში და ქართულ კულტურას არავინ დაივიწყებს. სამწუხაროდ ჩვენი სკოლის რესურსები არასაკმარისი იყო კინო კლუბის გასახსნელად. ჩვენს სკოლას არ ჰქონდა პროექტორი. მაგრამ საბედნიეროდ აღმოვაჩინეთ პლატფორმა “volunteer. ge”, სადაც განვათავსეთ ჩვენი ინიციატივა, რომლითაც დაინტერესდა ახალგაზრდული ორგანიზაცია “განჯაფას კლუბი”, დაგვიკავშირდა მისი წარმომადგენელი და დაგვეხმარა, ორ კვირაში ერთხელ კინო ჩვენების ორგანიზებაში.

მოსწავლეებმა არც კი იცოდნენ, რომ მათ სოფელში ამდენი შესანიშნავი ფილმი ყოფილა გადაღებული, რამაც გააძლიერა მათი ქართული ფილმებისადმი ინტერესი და გააჩინა ერთგვარი სიამაყის გრძნობა მათში. მცირე ასაკის მიუხედავად ჩვენ დასახულ მიზანს მივაღწიეთ, გავხსენით ჩვენს სოფელში კინო კლუბი და ახალგაზრდული საბჭოს კონკურსში მოვიპოვეთ მეორე ადგილი. გვინდა ყველა ახალგაზრდას მოვუწოდოთ, რომ არასდროს დანებდნენ და შეუპოვრად გააგრძელონ საკუთარ იდეებზე მუშაობა. ასაკი ვერასდროს იქნება შემაკავებელი ფაქტორი, როდესაც საქმე ეხება მშობლიური თემისა და ჩვენი თანამემამულეების კეთილდღეობას. ჩვენ მომავალშიც გავაგრძელებთ მსგავს კარგ საქმეებს, რადგან ჩვენი თემისთვის ეს მეტად საჭირო და მნიშვნელოვანია. იმედი გვაქვს ჩვენს მაგალითს ყველა ახალგაზრდა გაიზიარებს. 

ნინო წიწიკაშვილი, უფლისციხის საჯარო სკოლის მოსწავლე

დაკავშირებული სტატიები

გორში, დევნილი მოსწავლეებისთვის უფასო ცეკვის ჯგუფები გაიხსნა

ცხინვალის რეგიონიდან იძულებით გადაადგილებული პირებისთვის უფასო ცეკვის ჯგუფები გაიხსნა. ახალი წამოწყება – სამხრეთ ოსეთის ადმინისტრაციისა და   ქორეოგრაფიულ ანსამბლ...

სარედაქციო გზამკვლევი

ჩვენი რედაქცია ცდილობს აუდიტორიისადმი ანგარიშვალდებულებითა და პასუხისმგებლობით , ასევე რედაქციაში შეთანხმებული წესებითა და პრინციპებით გააშუქოს მოვლენები, შექმნას ჟურნალისტური...

“ახალგაზრდებს სექსუალურ და რეპროდუქციულ ჯანმრთელობაზე საუბარი უჭირთ”-რა უპირატესობა აქვს “HERA XXI” – ის დისტანციურ სერვისებს?

ტექნოლოგიების განვითარებამ თანამედროვე მსოფლიოში არაერთი პრობლემა გადაჭრა. მოქალაქეებს ისეთ სერვისებზე გაუმარტივდათ ხელმისაწვდომობა, რაც წლების წინ წარმოუდგენელი იყო. ინოვაციების...

NEO TV – მ ახალგაზრდულ ორგანიზაციებთან თანამშრომლობის მემორანდუმი გააფორმა

Neo Tv-მ ურთიერთთანამშრომლობის მემორანდუმი შიდა ქართლის 13 ორგანიზაციასთან გააფორმა, რომლებიც რეგიონში ახალგაზრდების გააქტიურებისა და მათი უკეთესი მომავლისთვის მუშაობენ....