საქართველოში მცხოვრები უკრაინული ოჯახები მათ შესახებ ინფორმაციის გაცნობას მშობლიურ ენაზეც შეძლებენ. ნეო ტვ მათი საჭიროებების შესახებ ინფორმაციას პერიოდულად ავრცელებს, რომლის ძირითად აუდიტორიას მათი დახმარების მსურველები შეადგენენ.
უკრაინაში რუსეთის შეჭრიდან ერთი წლის თავზე ნეო ტვ-მ მათ “ქალტა ფონდის” მხარდაჭერით, სპეციალური შეხვედრა მოუწყო და ომის შედეგად დაფანტულ ადამიანებს ერთად უმასპინძლა.
დღევანდელ შეხვედრაზე მათ სხვადასხვა იდეები გააჟღერეს და ნეო ტვ-სთან აქტიური კომუნიკაციის სურვილი გამოთქვეს. გარდა ამისა, უკრაინიდან ლტოლვილი მოქალაქეები ნეო ტვ-ს ტელეგრამ არხს (NEO TV) შეუერთდნენ, სადაც მიმდინარე პროცესებთან დაკავშირებით ინფორმაცია პერიოდულად ვრცელდება.
