“ნეო ტვ-მ” ასოციაცია “ჰერა XXI”- ის პარტნიორობის ფარგლებში მონაწილეობა მიიღო ფორუმში, რომელიც ბულგარეთში გაიმართა. ღონისძიებას ქალაქ სოფიამ უმასპინძლა და ის შეეხებოდა ონლაინ კამპანიების წარმოებას, პროექტის წერას და ადამიანის უფლებების საკითხებს. ნეო ტვ-დან ფორმუმში მონაწილეობა ნათია სიდამონიძემ მიიღო.
“მთავარი სადისკუსიო თემა იყო რეპროდუქციული ჯანმრთელობა, მასთან დაკავშირებული გამოწვევები და საფრთხეები. ფორუმს ესწრებოდნენ სხვადასხვა ქვეყნის ახალგაზრდული ორგანიზაციების წარმომადგენლები, რომელთა მონაწილეობითაც მოეწყო გამოფენა, სადაც გვქონდა შესაძლებლობა, ერთმანეთისთვის გაგვეზიარებინა წარმატებული პროექტები, მიგვეღო რჩევები, დაგვესვა კითხვები და უფრო მეტი გაგვეგო ერთმანეთის საქმიანობის და სტრატეგიების შესახებ. ფორუმზე დასწრება კარგი გამოცდილება იყო ჩემთვის, რადგან განხილული საკითხები პირდაპირ უკავშირდებოდა ადამიანის უფლებებსა და უსაფრთხოებას. ვთვლი, რომ ეს ჩემთვის, როგორც სამართლის სტუდენტისთვის განსაკუთრებით საინტერესო იყო,” – აღნიშნა ნათია სიდამონიძემ.
