ტექნოლოგიების დანერგვა სამოქალაქო განათლების პროცესში – გორში შემაჯამებელი ღონისძიება გაიმართება

Share post:

13 ივნისს,  14:00 საათზე, გორში, USAID-ის სამოქალაქო განათლების პროგრამის, 2022-2023 სასწავლო წლის შემაჯამებელი  ღონისძიება გაიმართება.

პროგრამის მიზანია, მაღალი მოქალაქეობრივი შეგნების, სამოქალაქო პროცესებში ჩართული ახალგაზრდების აღზრდა. პროგრამა ითვალისწინებს ტექნოლოგიების დანერგვას სამოქალაქო განათლების სწავლა-სწავლების პროცესში, სკოლაში დემოკრატიული კულტურის განვითარების ხელშეწყობას, ბიზნესისა და სკოლების დაკავშირებას.

შეხვედრას USAID-ის სამოქალაქო განათლების პროგრამის დირექტორი მარინა უშვერიძეც დაესწრება. ღონისძიებას “საზოგადოება ბილიკი” უმასპინძლებს. ორგანიზაციის წარმომადგენელი ლია გორელიშვილი პროგრამის ერთი  წლის შედეგების მიმოხილვას წარმოადგენს. შიდა ქართლის პარტნიორი სკოლების მოსწავლეები კი წარმატებული სამოქალაქო კლუბის, მოსწავლეთა თვითმმართველობის, მცირე საგრანტო  პროექტების და კერძო სექტორთან თანამშრომლობის შესახებ  პრეზენტაციებს გააკეთებენ.

შეხვედრაზე, პედაგოგებისთვის შეთავაზებული რესურსის და დაგეგმილი აქტივობების შესახებ რეგიონალური კოორდინატორი ლელა წურწუმია ისაუბრებს.

ღონისძიებას USAID-ის სამოქალაქო განათლების პროგრამის შიდა ქართლის რეგიონის პარტნიორი სკოლების, საგანმანათლებლო რესურსცენტრების,  ადგილობრივი ხელისუფლების, მედიის და არასამთავრობო სექტორის წარმომადგენლები დაესწრებიან.

USAID-ის სამოქალაქო განათლების პროგრამა ხორციელედება  PH International –  საქართველოს მიერ, ამერიკის შეერთებული შტატების საერთაშორისო განვითარების სააგენტოს (USAID) დაფინანსებით და საქართველოს განათლებისა და მეცნიერების სამინისტროს მხარდაჭერით. შიდა ქართლის რეგიონში პროგრამის პარტნიორია „საზოგადოება ბილიკი”.

დაკავშირებული სტატიები

გორში, დევნილი მოსწავლეებისთვის უფასო ცეკვის ჯგუფები გაიხსნა

ცხინვალის რეგიონიდან იძულებით გადაადგილებული პირებისთვის უფასო ცეკვის ჯგუფები გაიხსნა. ახალი წამოწყება – სამხრეთ ოსეთის ადმინისტრაციისა და   ქორეოგრაფიულ ანსამბლ...

სარედაქციო გზამკვლევი

ჩვენი რედაქცია ცდილობს აუდიტორიისადმი ანგარიშვალდებულებითა და პასუხისმგებლობით , ასევე რედაქციაში შეთანხმებული წესებითა და პრინციპებით გააშუქოს მოვლენები, შექმნას ჟურნალისტური...

“ახალგაზრდებს სექსუალურ და რეპროდუქციულ ჯანმრთელობაზე საუბარი უჭირთ”-რა უპირატესობა აქვს “HERA XXI” – ის დისტანციურ სერვისებს?

ტექნოლოგიების განვითარებამ თანამედროვე მსოფლიოში არაერთი პრობლემა გადაჭრა. მოქალაქეებს ისეთ სერვისებზე გაუმარტივდათ ხელმისაწვდომობა, რაც წლების წინ წარმოუდგენელი იყო. ინოვაციების...

NEO TV – მ ახალგაზრდულ ორგანიზაციებთან თანამშრომლობის მემორანდუმი გააფორმა

Neo Tv-მ ურთიერთთანამშრომლობის მემორანდუმი შიდა ქართლის 13 ორგანიზაციასთან გააფორმა, რომლებიც რეგიონში ახალგაზრდების გააქტიურებისა და მათი უკეთესი მომავლისთვის მუშაობენ....