ნიქოზის პირველადი ჯანდაცვის ცენტრში ამ დრომდე, უცხოური დონორი ორგანიზაციების მხარდაჭერით, არაერთი მნიშვნელოვანი პროექტი განხორციელდა. ნიქოზის ამბულატორიის ხელმძღვანელის ინფორმაციით, თითოეული მათგანის მიზანს ე.წ. გამყოფი ხაზის მიმდებარე სოფლებში ჯანდაცვის ხელმისაწვდომობის გაზრდა წარმოადგენდა. ნიკოლოზ ძამუკაშვილის განცხადებით, პროექტების განხორციელებით ადგილობრივი მოსახლეობისთვის ხელმისაწვდომი გახდა სხვადასხვა კვლევების ჩატარება. მისივე თქმით, აღნიშნული სამედიცინო სერვისით, ცხინვალთან ახლოს მდებარე სოფლებიდან, დაახლოებით 3000-მდე ადამიანმა ისარგებლა.
“უცხოური დონორი ორგანიზაციების მხარდაჭერით შესაძლებელი გახდა ჩაგვეტარებინა გამყოფი ხაზის სოფლებში კლინიკური-ბიოქიმიური-იმუნოფერმენტული, ლაბორატორიული, რენტგენოდიაგნოსტიკური, ულტრაბგერითი კვლევები. რომლისთვისაც მოსახლეობას უწევდა 30 კმ-ს გავლა ადმინისტრაციულ ცენტრემდე. რაც დამატებით დროსა და ხარჯებთან არის დაკავშირებული. ყველა განხორციელებული პროექტი მნიშვნელოვანია ადგილბრივი მოსახლეობის ცხოვრების პირობების გაუმჯებესებისთვის, უსაფრთხო გარემოს შექმნისთვის, ხარისხიანი და ფინანსურად ხელმისაწვდომი ჯანდაცვისთვის. განხორციელებული პროექტები კი განსაკუთრებით მნიშვნელოვანია ისეთი მოწყვლადი ჯგუფებისთვის, როგორებიცაა: შშმ პირები, ქალები, ბავშვები, მოხუცები, სოციალურად დაუცველი პირები, დევნილები და ა.შ.“-ამბობს ნიკოლოზ ძამუკაშვილი.
ნიქოზის ამბულატორიაში ამბობენ, რომ აღნიშნული მხარდაჭერის გარეშე გამყოფ ხაზთან მცხოვრებ დაახლოებით 3000 ადამიანს აღნიშნული სერვისებით სარგებლობის საშუალება არ ექნებოდათ. მათი მხარდაჭერის მიზნით, სხვადასხვა უცხოურმა ორგანიზაციებმა ბოლო 10 წელში დაახლეობით, 800 000 ლარი გაიღეს.
YEAR | PROJECT ESSENCE | BUDGET (Currency) | DONOR |
2023 | Digital mammography. Vehicle with wide dimensions | 91 200 USD | Embassy of Japan in Georgia |
2021 | Portable X-ray transmission | 10 000 USD | UNDP |
2020 | Arranging a laboratory and X-ray room | 68 065 GEL | Embassy of Germany/ Deutsche Botschaft Tiflis |
2018 | Medical Equipment in Nikozi Village | 64 643 USD | Embassy of Japan in Georgia |
2014 | Increasing access to health care and promoting confidence building | 42 450 USD | EU/UNDP COBERM |
2012 | Rehabilitation of infrastructure damaged by the war | 107 778 GEL | FOSTER/UNDP |