გორელი ახალგაზრდები სხვადასხვა სფეროში დასაქმებულ წარმატებულ ქალებს შეხვდნენ. სტუმრებმა საკუთარი გამოცდილების შესახებ ისაუბრეს და წარმატებისკენ მიმავალ გზაზე არსებული ბარიერებიც დაასახელეს.
მომხსენებელთა შორის იყვნენ გორის მუნიციპალიტეტის საკრებულოს წევრი ნანი ოქროპირიძე, ჟურნალისტი და NEO TV – ის დამფუძნებელი ნინო ჩიბჩიური და NEO TV – ის თანადამფუძნებელი და “მეცნიერებათა სკოლის” დირექტორი – ეკატერინე სუხიშვილი.
საუბრები ძირითადად წარმატების და პიროვნული ზრდის ფორმულას ეხებოდა, რაც პირდაპირ კავშირშია პიროვნების განვითარებასა და მომავალთან. შეხვედრაზე განსაკუთრებული ყურადღება გამახვილდა ასევე გენდერულ სტერეოტიპებსა და ქალების წინაშე არსებულ გამოწვევებზე.
ღონისძიება ჩატარდა USAID -ის პროგრამის “ერთიანობა მრავალფეროვნებაშია” ფარგლებში, რომელიც საქართველოს გაეროს ასოციაციის UNAG-ის მიერ ხორციელდება. აშშ-ს საერთაშორისო განვითარების სააგენტოს USAID-ის ფინანსური მხარდაჭერით. შიდა ქართლის რეგიონში პროგრამის პარტნიორია “კეთილდღეობისა და განვითარების ცენტრი”.
