გორში, სპორტით დაინტერესებულ ქალებს შესაძლებლობა აქვთ შეუერთდნენ საფეხბურთო გუნდს “გორი იუნაიტედი”, რომლის დაფინანსებაც წელს 82 500 ლარითაა განსაზღვრული. თანხები გათვალისწინებულია ფეხბურთელებისა და მწვრთნელების ხელფასებისთვის, შეკრებების, სამწვრთნელო პროცესის, ეროვნულ ჩემპიონატში მონაწილეობისათვის აუცილებელი ხარჯების ანაზღაურებისა და ადმინისტრაციული პერსონალის ხელფასებისთვის.
დოკუმენტის მიხედვით, პროგრამის მიზანია ქალთა საფეხბურთო გუნდის ასპარეზობა ეროვნულ ჩემპიონატში და შემდგომ საერთაშორისო ასპარეზზე ქალთა წარმატებების ხელშეწყობისთვის. ამ მიმართულებას ა(ა)იპ „გორის მუნიციპალიტეტის ფეხბურთის კლუბი გორი“ კურირებს, რომელიც უზრუნველყოფს მუნიციპალიტეტში მცხოვრები მოზარდებისა და ახალგაზრდებისაგან შემდგარ 28 ასაკობრივი ჯგუფის მომზადებას.
ჯგუფები დაკომპლექტებულია ჯამში 750 მოზარდით (მათ შორის 236 გოგო 514 ბიჭი). ასევე უზრუნველყოფს ქალთა და ამპუტანტთა გუნდების მომზადებას წლის განმავლობაში სხვადასხვა ასპარეზობაში მონაწილეობის მისაღებად.
