ნეო ტვ შიდა ქართლის 10 სოფელში ინტენსიურ ტრენინგ-კურსს იწყებს, რომლის მთავარი მიზანია, ქალთა რეპროდუქციული ჯანმრთელობის უფლებებზე ცნობიერების ამაღლება. პროექტს ნეო ტვ ევროკავშირის მხარდაჭერილი პროექტის ფარგლებში ახორციელებს, რომლის ფარგლებში სამიზნე სოფლებში მობილიზატორები შეარჩია და მათ აქტივობების შესახებ ინფორმაცია გაუზიარა.
“ჩვენი მიზანია, რაც შეიძლება მეტ ქალს ჰქონდეს იმ შესაძლებლობებზე ხელმისაწვდომობა, რაც მათთვისაა გათვალისწინებული. ჩვენი მუშაობის პროცესში გამოიკვეთა, რომ სოფლად მცხოვრებთა უმეტესობამ არც არსებული სერვისების შესახებ იცის და არც საკუთარ რეპროდუქციულ უფლებებზე სმენია. 10-ვე სოფელში უკვე გვყავს გადამზადებული მობილიზატორი ქალები, რომლებთან ერთადაც ვიმუშავებთ ქალთა საჭიროებების გამოკვეთასა და მათი ადვოკატირების მიმართულებით. გარდა ამისა, ადგილობრივ ქალებთან ჩავიყვანთ ექსპერტებს, რადგან პირადად ჰქონდეთ შესაძლებლობა მიიღონ საჭირო ინფორმაცია და პასუხები მათთვის საინტერესო საკითხებზე”, – აღნიშნა პროექტის ხელმძღვანელმა, ნინო ჩიბჩიურმა.
რეგიონის 10-ვე სოფელში საჭიროებების გამოსავლენად გათვალისწინებულია სპეციალური კვლევის ჩატარება. გამოკვეთილი საკითხები კი ადვოკატირების ფარგლებში, შესაბამისი მუნიციპალიტის საკრებულოსთან არსებულ გენდერული თანასწორობის და მერის მრჩეველთა საბჭოებთან განიხილება.
პროექტი, “ოჯახში და გენდერული ნიშნით ძალადობის წინააღმდეგ ბრძოლის ხელშეწყობა”, რომლის ფარგლებშიც ნეო ტვ აღნიშნული აქტივობების განხორციელებას გეგმავს, ხორციელდება GCRT-ს მიერ, ევროკავშირის ფინანსური მხარდაჭერით.
