შიდა ქართლის რეგიონისთვის უფასო მობილური მამოგრაფიული სერვისი შეიქმნება, რომელიც დაავადების ადრეული გამოვლენისა და პრევენციის მიზნით, სოფლებში კიბოს სკრინინგის ჩატარებას უზრუნველყოფს.
პროექტი Ნიქოზის პირველადი ჯანდაცვის ცენტრის და “მეგობრობის ხიდი ქართლოსის” ერთობლივი ძალისხმევით შემუშავდა. მისი ხელმოწერის ცერემონიას კი ესწრებოდნენ იაპონიის ელჩი საქართველოში, იმამურა აკირა, საქართველოს პარლამენტის ჯანმრთელობის დაცვისა და სოციალურ საკითხთა კომიტეტის წევრი, ირმა ზავრადაშვილი, შიდა ქართლის გუბერნატორი, მიხეილ შაყულაშვილი, ჯანდაცვის მინისტრის მოადგილე და დაავადებათა კონტროლის ეროვნული ცენტრის (NCDC) მოქმედი ხელმძღვანელი, თამარ გაბუნია, საგანგებო სიტუაციების კოორდინაციისა და გადაუდებელი დახმარების ცენტრის დირექტორი, ალექსანდრე კუტიბაშვილი და სამედიცინო უზრუნველყოფისა და გამოძახებათა მართვის დეპარტამენტის უფროსი, ამირან გოგიტიძე, ნიქოზის პირველადი ჯანდაცვის ცენტრის დირექტორი, ნიკოლოზ ძამუკაშვილი, “Მეგობრობის ხიდი ქართლოსის” წარმომადგენელი, სვეტლანა ბიბილური.
პროექტის ხელმოწერის ცერემონიას მასპინძლობდა იაპონიის საელჩო საქართველოში, სადაც ადამიანის უსაფრთხოების საგრანტო პროგრამის ფარგლებში ხელი მოეწერა იაპონიის მთავრობისა და იაპონელი ხალხის მიერ დაფინანსებულ პროექტს, რომელიც მიზნად ისახავს რეგიონში ჯანდაცვის სისტემის მხარდაჭერას.
