“ინფორმირებული ამომრჩეველი შიდა ქართლში დემოკრატიის განვითარებისთვის” – NEO TV – ს პროექტის გუნდი საინფორმაციო შეხვედრებს დევნილთა დასახლებებში აგრძელებს. ისინი ძირითადად იმ ადამიანებს ესაუბრებიან, რომლებიც ინტერნეტს ნაკლებად ან საერთოდ არ მოიხმარენ და შესაბამისად, მარტივად ექცევიან რუსული პროპაგანდის გავლენის ქვეშ.
“ჩვენ როგორც თემის მობილიზატორებს – სამართლიანი არჩევნებისთვის, გვსურს ვუზრუნველყოთ მოსახლეობის ინფორმირებულობა იმის შესახებ, რომ რაც შეიძლება მეტი ადამიანი მივიდეს 26 ოქტომბრის არჩევნებზე. მოსახლეობას კარდაკარ ვხვდებით იმისთვის, რომ ზუსტად იცოდნენ, რატომ არის მათი ხმა მნიშვნელოვანი. ჩვენი ვიზიტები სოფლებში აბსოლუტურად აპოლიტიკურია და ეს ყველაფერი ითვალისწინებს მხოლოდ ინფორმაციის მიწოდებას, რომ საარჩევნო ხმა არის ფარული და თითოეული გადამწყვეტია ჩვენი ქვეყნის დემოკრატიული განვითარებისთვის”, – ამბობს სკრის დევნილთა დასხლებაში მცხოვრები თამარ ბიგანიშვილი.
პროექტი NEO TV ახორციელებს, სამართლიან არჩევნებთან (ISFED) პარტნიორობით, European Union in Georgia და ევროკავშირის მხარდაჭერით.
