“ფონდი ტასოს” მიერ მხარდაჭერილი პროექტის ფარგლებში, აქტივისტები შიდა ქართლის სოფლებში მოსახლეობასთან შეხვედრებს აგრძელებენ. ამჯერად ევროკავშირზე საუბრები სოფელ ბროწლეთში მოეწყო. შეხვედრას ნეო ტვ-ს პროექტის მონაწილე, ალექსი დოიჯაშვილი უძღვცებოდა, რომელმაც გარკვეული პერიოდის მანძილზე ევროკავშირის ბაზრის შესახებ გავრცელებული მითები შეისწავლა და მის საპირწონედ, ფაქტებით გამყარებული ინფორმაცია მოსახლეობას გაუზიარა.
“შეხვედრას ძირითადად ადგილობრივი ახალგაზრდები ესწრებოდნენ. ისინი თავდაპირველად, სავარაუდოდ უფროსი თაობისგან მიწოდებულ მითებს აჟღერებდნენ, რომლის თანახმად, მოსავლის გასაღებისთვის ხელმისაწვდომი ბაზარი რუსეთია და ევროპის ბაზრის სტანდარტებს ვერ დააკამოყფილებენ. მას შემდეგ რაც კონკრეტული მაგალითები გავაცანით, მათ შორის ახლომდებარე სოფლებიდანაც და ავუხსენით თუ ვინ როგორ შეძლო ევროკავშირის ქვეყნებში პროდუქციის გატანა და რა შემოსავალი მიირეს აქედან მათი წარმოდგენები შეიცვალა. სწორედ ამასთან დაკავშირებით იყო კითხვები, რასაც ნეო ტვ-ს პროექტი ფარგლებში მიღებული ცოდნის საფუძველზე ვუპასუხეთ და ვფიქრობთ ხელი შევუწყეთ ცნობიერების ამაღლებას მთელ რიგ საკითხებზე, რაც ამ ახალგაზრდებს ჯერ არ ჰქონიათ გაგებული”, – აღნიშნა ალექსი დოიჯაშვილმა.
ნეო ტვ – ს აქტივისტები მსგავსი სახის შეხვედრებს წლის ბოლომდე 15 სოფელში მოაწყობენ და ამ გზით ხელს შეუწყობენ ცნობიერების ამაღლებას მოსახლეობაში და დეზინფორმაციის წინააღმდეგ რეალურ ფაქტებზე დაფუძნებული მასალების ადგილობრივებამდე მიტანას.
