მსოფლიოში ციფრული ტრანსფორმაციის პროცესის პარალელკლურად, საქართველოში AI ჯანდაცვის მომავალი უკვე იწერება. “ხელოვნური ინტელექტის მედიცინის ასოციაციამ”, კლინიკა “ნოვაციოსთან” პარტნიორობით, შიდა ქართლში მასშტაბური რეგიონული კონფერენცია გამართა, რომელმაც სამედიცინო სფეროს ლიდერები, კლინიკების მენეჯერები, წამყვანი ექიმები და ჯანდაცვის სამინისტროს წარმომადგენლები ერთ სივრცეში გააერთიანა. შეხვედრაზე ხელოვნური ინტელექტის ის ხელსაწყოები წარმოადგინეს, რომელიც ექიმებს წამებში ათიათასობით დიაგნოზის ანალიზში ეხმარება, მინიმუმამდე დაჰყავს შეცდომის ალბათობა და უზოგავს მათ ყველაზე ძვირფას რესურსს – დროს.
“ეს არის პირველი და უპრეცედენტო ინოვაციური გაერთიანება საქართველოში, რომელსაც სამედიცინო საზოგადოება სრულიად ახალ ეტაპზე გადაჰყავს. ის ექიმები და კლინიცისტები, რომლებიც დღესვე აუწყობენ ფეხს ამ ტექნოლოგიურ ტრანსფორმაციას, გახდებიან დარგის მთავარი მამოძრავებელი ძალა, ხოლო ისინი, ვინც ინოვაციებზე უარს იტყვიან, უბრალოდ ჩამორჩებიან შეუქცევად პროგრესს. ასოციაცია მიზნად ისახავს კლინიკური პროცესების ავტომატიზაციას, თანამედროვე მენეჯმენტის დანერგვასა და 21-ე საუკუნის ციფრული ჯანდაცვის ეკოსისტემის შექმნას”, – აღნიშნა AI აკადემიის დამფუძნებელმა და ხელმძღვანელმა ოთარ კვირიკაშვილმა.
გაერთიანების ორგანიზატორებმა უკვე დააანონსეს უნიკალური შესაძლებლობები მათთვის, ვისაც სურს იყოს ამ ისტორიული პროცესის ნაწილი.
“ასოციაციის წევრობა შეუძლია ნებისმიერ დამოუკიდებელ ექიმსა თუ სამედიცინო პერსონალს, რაც მათ ექსკლუზიურ პრივილეგიებს ანიჭებს – ისინი მიიღებენ 50%-იან ფასდაკლებას უახლეს საგანმანათლებლო რესურსებსა და პრაქტიკულ ტრენინგებზე, ასევე ჩაერთვებიან სპეციალურ სამუშაო ჯგუფებში, სადაც წვდომა ექნებათ მედიცინისა და ხელოვნური ინტელექტის სინთეზის საუკეთესო მსოფლიო პრაქტიკაზე”, – ამბობს ასოციაციის პარტნიორი ორგანიზაციის “ტექნოპარკის” ხელმძღვანელი ნინო ჩიბჩიური.
დაინტერესებულ პირებს AI მედიცინის ასოციაციაში გაწევრიანება დღესვე შეუძლიათ.
გახდი ქვეყნის პირველი ინოვაციური სამედიცინო გაერთიანების წევრი, გაიარე რეგისტრაცია ბმულზე: https://forms.gle/FerPdp7fTk25iR3v7
