“გარემოს დაცვა ადრეული ასაკიდანვე უნდა დავიწყოთ, რომ ჯანსაღი მომავალი გვქონდეს” – მამუკა ზოლოტარიოვი

Share post:

მე ვარ მამუკა ზოლოტარიოვი 16 წლის გორის მუნიციპალიტეტის სოფელ ხიდისთავიდან, ვსწავლობ ამავე სოფლის სკოლაში, სადაც ვარ თვითმართველობის თავჯდომარე. 14 წლიდან აქტიურად და დიდი შემართებით ვარ ჩართული არაფორმალურ განათლების კუთხით. პირველი ნაბიჯები დავიწყე გორის ინოვაციურ ჰაბში ,”ბილიკში”, სადაც გავხდი გორის ახალგაზრდული კლუბის, შემდეგ კი გორის ახალგაზრდული საბჭოს წევრი. “ბილიკი” და ზოგადად ორგანიზაციები ძალიან მეხმარება ვიპოვო საკუთარი თავი, რა შესაძლებლობები გამაჩნია მე და რა შემიძლია. ტრენინგების და პროექტების განხორციელების შემდეგ შევიძინე უამრავი რამ. ვცდილობ მუდმივად ვიყო აქტიური ახალგაზრდა და ხშირად ვწერ პროექტებს, რაზედაც დიდი მხარდაჭერა მაქვს პირველ რიგში სკოლის დირექციიდან და ახალგაზრდული საბჭოდან.

გასულ წელს “გორის ახალგაზრდულმა იდეამ” გამოაცხადა საგრანტო კონკურსი. პედაგოგ მიმოზა ღოლიჯაშვილის დახმარებით, ჩვენ დავწერეთ პროექტი, ჩვენი სოფლის ყველა დიდ პრობლემაზე, რომელიც ეხებოდა გარემოს დაბინძურებას. პროექტის ფარგლებში მოვაწყეთ დასუფთავებით აქციები სოფლის სხვადასხვა ლოკაციაზე, რომელიც ნამდვილად შედეგიანად და წარმატებულად დასრულდა, მაგრამ ჩვენდა სამწუხაროდ დღეს ისევ სხვა რეალობა გვიდგას წინ.

დასუფთავების აქციები მნიშვნელოვანი იმიტომ არის, რომ სოფელი მთლიანად სუფთავდება ნაგვისგან და ხდება მეტად უსაფრთხო მისი მაცხოვრებლებისათვის, განსაკუთრებით ბავშვებისთვის. ამასთან ერთად გარემო იღვიძებს და ვიზიტორისთვისაც თვალსაჩინო ხდება ის ფაქტი, თუ  რაოდენ მოწესრიგებული თემი გვყავს; თუმცა არის სამწუხაროდ საზოგადოების მეორე მხარეც, რომელიც მაინც ანაგვიანებს გარრემოს. ჩემი აზრით, ამის მიზეზი არის ზარმაცობა, არაკეთილგანწყობილება და სხვისი შრომის დაუფასებლობა. საზოგადოების ამ ნაწილს თავად არ უწევს მსგავს აქციებში მონაწილეობა, ამიტომ ეპყრობიან  ასე დაუდევრად სხვის შრომას. დღესდრეობით ხიდისთავის გარემო კვლავ დაბინძურებულია, რადგან არ მოხდა ბუნებისა და მის მოსაწესრიგებლად გაწეული შრომის მოფრთხილება. ჩვენ ამასთან დაკავშირებით  განვათავსეთ ბანერები სხვადასხვა ლოკაციაზე, რომლებიც ასევე დაგვიჭრეს, დაგვიხიეს და ჩამოგვიყარეს რაც ნამდვილად დასანანია.

იმედია, მომავალში ყველა ასეთ ადამიანს გავააზრებინებთ გარემოზე ზრუნვის აუცილებლობას, ავიყოლიებთ მათ და მივაღწევთ იმ მიზანს, რომელიც დასახული გვაქვს. ჩვენ ახალგაზრდები არ ვუშინდებით და არ ვნებდებით, რადგან ზუსტად ჩვენ ვქმნით მომავალს და ზუსტად ჩვენ უნდა ავღმოფხვრათ ჩვენს თემში ეს პრობლემები.

გვსურს, ამ პროექტებით ნათელი მაგალითი მივცეთ ახალგაზრდებს და დავეხმაროთ მათ საკუთარი თავის რეალიზებაში. ჩვენ მომავალშიც გავაგრძელებთ მსგავს კარგ საქმეებს, რადგან ჩვენი თემისთვის ეს მეტად საჭირო და მნიშვნელოვანია.

მამუკა ზოლოტარიოვი

დაკავშირებული სტატიები

სკოლებში, ინფორმაციული უსაფრთხოების შესახებ, NEO TV – მ ტრენინგები დაიწყო

ონლაინ უსაფრთხოებასთან დაკავშირებით, გორის სკოლებში ტრენინგ-სემინარები მიმდინარეობს. პირველ ასეთ შეხვედრას გორში, მე-8 საჯარო სკოლამ უმასპინძლა. მოზარდებს საკუთარი გამოცდილება...

დირბელმა ქალებმა სექსუალური შევიწროების ფაქტებზე იმსჯელეს და უსაფრთხოების გზები განიხილეს

საოკუპაციო ხაზთან მდებარე სოფელ დირბში ადგილობრივ ქალებს ტრენინგი ჩაუტარდათ თემაზე "უსაფრთხოება ონლაინ და ფიზიკურ სივრცეში". შეხვედრას GMG-ს კიბერუსაფრთხოების...

“არა რუსულ კანონს” – გორში ახალგაზრდების მარში დაიგეგმა

არა რუსულ კანონს! არა რუსულ რეჟიმს! - ამ ლოზუნგებით გორში, 19 მაისს, 19:00 საათზე ახალგაზრდების მარში გაიმართება. ახალი...

“ვდგავართ ჩვენი ქვეყნის გვერდით ევროკავშირისკენ მიმავალ გზაზე” – გორის უნივერსიტეტის სტუდენტები

არა რუსულ კანონს! არა ძალადობას! ქვეყანაში განვითარებულ პროცესებს გორის უნივერსიტეტის სტუდენტებიც ეხმაურებიან და მხარდაჭერას უცხადებენ ქვეყნის განვითარებას ევროინტეგრაციის...