გორელი ახალგაზრდები, სხვა ქალაქებთან შედარებით, აქტიურობით გამოვირჩევით – ლევან პალიანცი

Share post:

გორელი ახალგაზრდები და ზოგადად ახალგაზრდული მდგომარეობა დადებითად განსხვავდება სხვა ქალაქებისაგან. ჩემი შეხედულებით, გორი გამოირჩევა ახალგაზრდული ორგანიზაციების სიმრავლით. საქართველოში პირველ ადგილასაა ამ მაჩვენებლით. რაც შეეხება ახალგაზრდებს, მათი ჩართულობა და აქტიურობა ყოველთვის გამოირჩევა სხვა ქალაქელების ფონზე.


სულაც არ გავიდა დიდი დრო იმის შემდეგ, რაც ჩავერთე არაფორმალური განათლების მიღებასა და გაცემაში. 2021 წლის 22 დეკემბერს პირველად მივედი “ახალგაზრდულ ფორმულაზე”, სადაც დაიწყო ჩემი ისტორია. დიდი ენთუზიაზმითა და მონდომებით ვერთვებოდი ყველა შემოთავაზებულ აქტივობაში და ვიყენებდი სრულ რესურსს, რასაც ადგილობრივი ორგანიზაციები მთავაზობდნენ. შევუერთდი ახალგაზრდულ ორგანიზაციებს, სადაც უშუალოდ პრობლემის გადაჭრაზე მომიწია მუშაობა. შევიძინე ისეთი უნარები, რომლებზეც არც კი მიფიქრია მანამდე. როგორიცაა:


ლიდერობა, გუნდური მუშაობა, პროექტების წერა და მართვა. პარალელურად ჩართული ვიყავი თანატოლ განმანათლებელთა პროგრამაში იმედით, რომ ოდესღაც მეც შევძლებდი გავმხდარიყავი ტრენერი და მიღებული ცოდნა სხვებისთვის გადამეცა.გასული წელი ჩემთვის ძალიან პროდუქტიული აღმოჩნდა. ვიყავი არაერთ ბანაკში, როგორც მონაწილე ისე ლიდერი, სადაც უამრავი მეგობარი გავიჩინე, რომლებთანაც დღესაც მაქვს ურთიერთობა. გავცდი საქართველოს საზღვრებს და Erasmus+ ის პროგრამით ვიყავი სომხეთსა და ლიტვაში, რამაც ძალიან განავითარა ჩემი ინგლისურისა და კომუნიკაციის უნარები. მრავალი ადამიანს, თვითრეალიზაციისთვის გარკვეული მამოტივირებელი მექანიზმები სჭირდება. ვფიქრობ, ზემოთ მოცემული ინფორმაცია იქნება მოტივატორი სხვა ახალგაზრდებისთვისაც. დღესდღეობით, ვარ თანატოლ განმანათლებელი, ჩემი სკოლის თვითმმართველობის თავმჯდომარე, ახალგაზრდული ორგანიზაციის “გორის ახალგაზრდული საბჭოს” წევრი ახალგაზრდული ორგანიზაცია “ლიდერთა ლიგის” დირექტორის მოადგილე და ახალგაზრდულ ორგანიზაცია “ახალი თაობა” მოხალისე. ესაა მცირე ჩამონათვალი იმ ორგანიზაციებისა, რომლებშიც ახლა ვსაქმიანობ.

რაც შეეხება პროგრამებს, ვარ ჩართული USAID-ის პროგრამაში “ერთიანობა მრვალფეროვნებაშია”, და ჯერ 16 წლის ვარ და ეს ყველაფერი მხოლოდ დასაწყისია…

დაკავშირებული სტატიები

ბავშვებს ონლაინ სივრცეშიც სჭირდებათ დაცვა – ტრენინგი “მეცნიერებათა სკოლაში”

სოციალურ ქსელებში ყოველდღიურად ვაწყდებით არაზუსტ ან მავნე ინფორმაციას – სწორედ ამიტომ ჩატარდა გორში, "მეცნიერებათა სკოლაში" მედიაწიგნიერების ტრენინგი, სადაც...

“არასდროს დაბრუნდე საბჭოთა კავშირში” – მესიჯი, რომელმაც ელჩების ყურადღება მიიპყრო

გორში, ხელოვნების სახლში გამართულ გამოფენაზე დღეს, სტუმრების ყურადღება სამოქალაქო აქტივისტის, თეონა ფანქველაშვილის მესიჯმა მიიპყრო, რომელიც მაისურზე ჰქონდა გამოსახული.  ღონისძიებას...

საოკუპაციო ხაზთან მცხოვრები ახალგაზრდები სასწავლო ვიზიტით ვილნიუსში იმყოფებდონენ

2025 წლის ​1​1-14 მარტს, სამოქალაქო განვითარების ახალგაზრდული ცენტრის ორგანიზებით განხორციელდა სასწავლო ვიზიტი ვილნიუსში. ვიზიტის მთავარი მიზანი იყო ლიეტუვაში...

“ნეომედი” – თირკმლის მსოფლიო დღე და არსებული გამოწვევები

13 მარტი თირკმლის მსოფლიო დღეა. სწორედ თირკმლის ქრონიკულ დაავადებასთან დაკავშირებული თემების განხილვას ეთმობა გადაცემა "ნეომედი" - ეკა სუხიშვილთან...