23 ივლისს, 13:00 საათზე, NEO TV წარმოადგენს კვლევის შედეგებს, რომელიც გორის მუნიციპალიტეტის სკოლებში ჩატარდა. მოსწავლეთა ფსიქო-ემოციურ განწყობებს სპეციალისტები 6 თვის განმავლობაში სწავლობდნენ და ადგილზე დგეგმილი შეხვედრების დროს, მათთვის საინტერესო შეკითხვებსაც პასუხობდნენ. ფსიქოლოგების შეფასებით, საპილოტე სკოლებში სპეციალურ ტრენინგებს 200-მდე ბავშვი დაესწრო, გამოკვეთილ სირთულეებს შორისაა თვითშეაფსების დაბალი დონე, კომუნიკაციის პრობლემები და გაჯეტებთან დამოკიდებულება. ამ ყველაფრის შესახებ უფრო ვრცლად ფსიქოლოგები ისაუბრებენ პროექტის დახურვის ღონისძიებაზე, სადაც ასევე კონკრეტული რეკომენდაციები გაჟღერდება.
NEO TV ფსიქოლოგების სკოლებში ვიზიტის გარდა სპეციალურ გადაცემასაც ამზადებდა, სადაც სპეციალისტები პრობლემურ თემებს უფრო სიღღმისეულად განიხილავდნენ. აქტივობები გორის მუნიციპალიტეტში გორის მუნიციპალიტეტის მერიის თანადაფინანსების პროგრამის ფარგლებში ხორციელდებოდა.
