devnilebistvis.ge – ასე ჰქვია ვებ-გვერდს, სადაც ევროკავშირის მხარდაჭერით, იძულებით გადაადგილებული პირებისთვის საჭირო და მნიშვნელოვანი ინფორმაცია განთავსდა. იდეის ავტორი ასოციაცია “თანხმობაა”, პროექტის მიზანს კი წარმოადგენს, დევნილთა ინფორმირებულობის ხელშეწყობა იმ პროგრამებისა თუ სერვისების შესახებ, რომელსაც საქართველოში ახორციელებენ სახელმწიფო უწყებები, მუნიციპალიტეტები და არასამთავრობო თუ საერთაშორისო ორგანიზაციები.
ამ დრომდე აღნიშნული ინფორმაცია სხვადასხვა გვერდსა თუ სოციალურ ქსელებში, ქაოტურად იყო მიმოფანტული, აღნიშნული ინიციატივის თანახმად კი ყველა სიახლე თუ პროგრამა რაც იძულებით გადაადგილებულ პირებთანაა დაკავშირებული, ერთი სივრცეში იქნება თავმოყრილი.
“განთავსებული ინფორმაცია შესაძლებლობას აძლევს თითოეულ დევნილს გაეცნოს და იცოდეს რა პროგრამებით და სერვისებით შუძლია ისარგებლოს საქართველოს ტერიტორიიაზე, ვის უნდა დაუკავშირდეს პროგრამით/ სერვისისთ სარგებლობისას, სად მდებარეობს ტერიტორიულად ის ორგანიზაციები/ უწყებები, რომელთაც დევნილთა დახმარება შეუძლიათ. ამ გვერდის მეშვეობით, ადგილნაცვალ პირებს შეუძლიათ დევნილთა საკითხებთან დაკავშირებით გამოაგზავნონ ჩატში კითხვები და მიიღონ შესაბამისი პასუხები”, – აღნიშნა ასოციაცია “თანხმობას” ხელმძღვანელმა, იულია ხარაშვილმა.
