“ევროკავშირის კანდიდატის სტატუსით, დაცულობის მოლოდინი გვაქვს” – კნოლევის მოსახლეობა

Share post:

“ფონდი ტასოს” მხარდაჭერით, ნეო ტვ-ს პროექტის მონაწილეები ამჯერად, ქარელის მუნიციპალიტეტში მცხოვრებ მოსახლეობას შეხვდნენ. კონკრეტულად კი საოკუპაციო ხაზთან მდებარე სოფელ კნოლევში ადგილობრივებს, გავრცელებული მითების საპირწონედ, რეალურ ფაქტებზე დაფუძნებული ინფორმაცია გაუზიარეს, რაც ევროკავშირის მხარდაჭერას ეხება საქართველოს მიმართ.

მოსახლეობის განმარტებით, სოფელში ხშირად ვრცელდება დამახინჯებული მოსაზრებები, რაც მოსახლეობაში შიშს და დაძაბულობას იწვევს.

ნეო ტვ-ს პროექტის მონაწილეებმა მათ “ფონდი ტასოს” მხარდაჭერით მომზადებული მასალები წარუდგინეს და დეზინფორმაციის ამოცნობის ხერხები გააცნეს.

“მოსახლეობა ხაზგასმით აღნიშნავდა, რომ გარკვეული ჯგუფები ხშირად ავრცელებენ ისეთ ინფორმაციას, რაც არანაირ კვლევას და ფაქტს არ ეფუძნება. მაგალითად, ევროკავშირის ბაზარს მათ მიერ მოყვანილი პროდუქტი თითქოს ვერასოდეს დააკმაყოფილებს, “რუსეთში კი რეალიზაციას მარტივად მოახდენენ”. ჩვენ კი სოფლად მცხოვრები ის ფერმერები დავუსახელეთ, რომლებმაც ევროკავშირში შიდა ქართლიდან პროდუქტის ექსპორტით მეტი სარგებელი მიიღეს. ასევე საუბარი შეეხო ევროკავშირის სხვადასხვა კუთხით გამოჩენილ მხარდაჭერას და მშვიდობის შენარჩუნებაში ამ ორგანიზაციის როლს. ვფიქრობ, მნიშვნელოვან საქმეს აკეთებენ ჩვენი პროექტის მონაწილეები, რადგან რამდენიმე თვის წინ ნეო ტვ-ს ოფისში, ტრენინგების შედეგად მიღებულ გამოცდილებას ახლა საკუთარ თემში თანასოფლელებს უზიარებენ“,-აღნიშნა პროექტის დირექტორმა, ნინო ჩიბჩიურმა.

“ფონდი ტასოს” მიერ მხარდაჭერილი პროექტის ფარგლებში შიდა ქართლის მასშტაბით, ჯამში 15 შეხვედრა ჩატარდება, სადაც სოფლად მცხოვრები ახალგაზრდები და ქალები, რომლებმაც სპეციალური ტრენინგები გაიარეს, დეზინფორმაციის ამოცნობისა და მითების საპირისპირო ინფორმაციის შესახებ გამოცდილებას ადგილობრივებს პირადად უზიარებენ.

დაკავშირებული სტატიები

გორში, დევნილი მოსწავლეებისთვის უფასო ცეკვის ჯგუფები გაიხსნა

ცხინვალის რეგიონიდან იძულებით გადაადგილებული პირებისთვის უფასო ცეკვის ჯგუფები გაიხსნა. ახალი წამოწყება – სამხრეთ ოსეთის ადმინისტრაციისა და   ქორეოგრაფიულ ანსამბლ...

სარედაქციო გზამკვლევი

ჩვენი რედაქცია ცდილობს აუდიტორიისადმი ანგარიშვალდებულებითა და პასუხისმგებლობით , ასევე რედაქციაში შეთანხმებული წესებითა და პრინციპებით გააშუქოს მოვლენები, შექმნას ჟურნალისტური...

“ახალგაზრდებს სექსუალურ და რეპროდუქციულ ჯანმრთელობაზე საუბარი უჭირთ”-რა უპირატესობა აქვს “HERA XXI” – ის დისტანციურ სერვისებს?

ტექნოლოგიების განვითარებამ თანამედროვე მსოფლიოში არაერთი პრობლემა გადაჭრა. მოქალაქეებს ისეთ სერვისებზე გაუმარტივდათ ხელმისაწვდომობა, რაც წლების წინ წარმოუდგენელი იყო. ინოვაციების...

NEO TV – მ ახალგაზრდულ ორგანიზაციებთან თანამშრომლობის მემორანდუმი გააფორმა

Neo Tv-მ ურთიერთთანამშრომლობის მემორანდუმი შიდა ქართლის 13 ორგანიზაციასთან გააფორმა, რომლებიც რეგიონში ახალგაზრდების გააქტიურებისა და მათი უკეთესი მომავლისთვის მუშაობენ....