მიგრაციის ფემინიზაცია გლობალური ტენდენციაა და არც საქართველოა გამონაკლისი. ერთის მხრივ, ეს შეიძლება ჩაითვალოს პოზიტიურ მოვლენად, რადგან ქალებს უკეთესი სამუშაო ადგილის მოძიების და მაღალი შემოსავლის მიღების შესაძლებლობა აქვთ. მეორეს მხრივ, მან შეიძლება გამოიწვიოს ოჯახების განცალკევება და ძვირფასი ადამიანური კაპიტალის დაკარგვა.
ბევრი ქართველი ემიგრანტი ქალი მუშაობს არაფორმალურ სექტორში, როგორიცაა საშინაო საქმე და მოვლა/ზრუნვა, სადაც ისინი ხშირად ექსპლუატაციას და შეურაცხყოფას განიცდიან. ამ ყველაფერს ენის ბარიერიც ემატება, რაც მათ ყოფა-ცხოვრებას უცხო ქვეყანაში კიდევ უფრო მეტად გაუსაძლის ხდის.
