ევროატლანტიკური ალიანსის შესახებ, საჭირო ინფორმაციის არ ქონის გამო, მოქალაქეთა ნაწილს არასწორი შეხედულებები გააჩნია. კრემლის მიერ მართული ჯგუფების მიერ, მიზანმიმართული დეზინფორმაციული ნარატივების გავრცელება განსაკუთრებით 2008 წლის ომით დაზარალებულ დასახლებებშია შესამჩნევი. ყალბი ამბების გავლენებით გამოწვეული დაძაბულობის, შფოთვის და დაბნეულობის აღმოფხვრას, YCCD სამოქალაქო განვითარების ახალგაზრდული ცენტრი ცდილობს, რომელიც გამყოფ ხაზთან მცხოვრებ ახალ თაობას ფაქტების სიზუსტის დადგენის შესაძლებლობებს უზიარებს და ევროატლანტიკური ალიანსის სიკეთეებს აცნობს. პროექტი “ნატოს შესახებ ინფორმირებულობისა და ცნობიერების დონის ამაღლება საოკუპაციო ხაზთან მიმდებარე სოფლებში” ხორციელდება ნატოს სახალხო დიპლომატიის განყოფილების ფინანსური მხარდაჭერით.
სწორედ ამ საკითხების განხილვას ეთმობა გადაცემა “ფაქტი”, რომლის სტუმრები არიან, სამოქალაქო განვიტარების ახალგაზრდული ცენტრის წარმომადგენელი – მარიამ პირველი და პროექტის მონაწილე საოკუპაციო ხაზიდან, თამარ ლეკიშვილი.
