ცხინვალის რეგიონიდან იძულებით გადაადგილებული პირებისთვის უფასო ცეკვის ჯგუფები გაიხსნა. ახალი წამოწყება – სამხრეთ ოსეთის ადმინისტრაციისა და ქორეოგრაფიულ ანსამბლ „ხევის” ერთობლივი პროექტია.
ცეკვის წრე “ხევის” სტუდიის ბაზაზე იფუნქციონირებს – ქალაქ გორში, Hotel Georgia Gold-ის შენობასა და სოფელ ხელთუბანში. მიღება 2024 წლის თებერვლიდან დაიწყო. მსურველები ქართულ ხალხურ ცეკვებს შეისწავლიან და სხვადასხვა ფესტივალში მიიღებენ მონაწილეობას.
სტუდიას ხალხური სიმღერისა და ცეკვის აკადემიური ანსამბლის “ნართები” ყოფილი მოცეკვავე, “ქორეოგრაფთა კავშირის” დამსახურებული ქორეოგრაფი რამაზ შიოშვილი უძღვება. ამ პროექტის დეტალები მან სამხრეთ ოსეთის ადმინისტრაციის ხელმძღვანელთან, თამაზ ბესტაევთან ერთად განიხილა.
მათი ინფორმაციით, ანსამბლის წარმატებულ დევნილ მოცეკვავეებს მოღვაწეობის გაგრძელება ხალხური სიმღერისა და ცეკვის აკადემიურ ანსამბლში “ნართები” შეეძლებათ.
