ავტორი: გიორგი ცერაძე
საქართველოში მასწავლებლების ხელფასი, ქვეყნის საშუალო ხელფასს 40%-ით ჩამოუვარდება.
მასწავლებლის პროფესია უფრო ნაკლებად მიმზიდველია, დაბალი ხელფასის შედეგად მასწავლებლების რაოდენობა მცირდება და საშუალო ასაკი იზრდება.
PISA-ს ქულების გათვალისწინებით საქართველოს განათლების სექტორის შედეგები საკმაოდ არადამაკმაყოფილებელია. სექტორის ზოგადი გამოწვევები მოიცავს: საჯარო სკოლებში მასწავლებლების საშუალო ასაკის ზრდას და დაბალ ხელფასებს, რაც მასწავლებლობის როგორც პროფესიის მიმზიდველობას ამცირებს.
საქართველოში მასწავლებლების კორპუსი 2022-2023 წლებში ასაკობრივად შემდეგნაირადაა გადანაწილებული:
გრაფიკი 1:მასწავლებლების ასაკობრივი სტრუქტურა 2022-2023 სასწავლო წელს
ევროპის ქვეყნებში მასწავლებლების ხელფასები ერთმანეთისგან მნიშვნელოვნად განსხვავდება.
ევროკავშირის განათლების საინფორმაციო ქსელის (Eurydice) თანახმად, ევროკავშირის ქვეყნებში მასწავლებლის წლიური საშუალო ანაზღაურება 25 055 ევროა. საქართველოში – საშუალო ხელფასი 7 056 ევრო. რუსეთში – 12 768 ევრო.
2020 წელს ევროკავშირში განათლებაზე დახარჯულმა თანხამ 671 მილიარდი ევრო ანუ მშპ-ს 5 პროცენტი შეადგინა. 2022 წელს საქართველოში განათლებაზე 2.6 მილიარდი ლარი ანუ მშპ-ს 3,7 პროცენტი შეადგინა.
გრაფიკი 3: განათლებაზე დახარჯული თანხები.
ეს მაჩვენებელი კვლავ დაბალია ევროკავშირთან შედარებით. აღსანიშნავია, რომ საქართველოში ნაკლებად წახალისებულია მამაკაცი მასწავლებლების პროფესია.
ამაზე მეტყველებს, სტატისტიკური მონაცემები და ასევე დღევანდელი მდგომარეობით მასწავლებლების საშუალო ასაკი – 49 წელი.
დღევანდელი მდგომარეობით, მასწავლებლების რაოდენობა საქართველოს სკოლებში 56 116-ია, ქალი მასწავლებლების წილი 88%-ზე მეტია.
გრაფიკი 4: მასწავლებლების რაოდენობა 2022-2023 სასწავლო წელს.
ყველაზე მაღალი ასაკით ხასიათდება რუსულენოვანი სკოლები, მაღალია ასაკი ქართულენოვან და აზერბაიჯანულენოვან სკოლებშიც. შედარებით დაბალია მასწავლებელთა საშუალო ასაკი სომხურენოვან, უკრაინულენოვან და სხვა უცხოენოვან სკოლებში.
გრაფიკი 5: მასწავლებლების საშუალო ასაკობრივი მაჩვენებელი სკოლის სწავლების ენის მიხედვით 2022-2023 სასკოლო წელს.
ბოლო წლებში მასწავლებელთა რაოდენობა უფრო მეტად შემცირდა რუსულენოვან (20.7%-ით), აზერბაიჯანულენოვან (16.9%-ით) და სომხურენოვან სკოლებში (14.2%-ით, ვიდრე ქართულენოვან (11.2%) სკოლებში.
წყარო: askgov.ge საქსტატი,factcheck.ge.
