საქართველოს ექიმ ქალთა ასოციაციის ორგანიზებით გორში, რეგიონული კონფერენცია გაიმართა. ღონისძიებაზე შინაგან დაავადებათა მკურნალობის აქტუალური საკითხები განიხილეს და საზოგადოებას მკურნალობის თანამედროვე მეთოდები და პრაქტიკაში მისი გამოყენების შესაძლებლობები გააცნეს.
შეხვედრას გორი ინნ-მა უმასპინძლა. კონფერენციაში რეგიონის წამყვანი ექიმები მონაწილეობდნენ, სადაც სპეციალური მოხსენებით წარსდგნენ- პროფესორები ზ.კლიმიაშვილი,მ.ბულეიშვილი, ნ.ჟვანია. მედიცინის დოქტორები ი.ქურთიაშვილი, ე.შენგელია, წამყვანი ექიმები ნ.ხუნაშვილი, ნ.ნაზღაიძე.
დამსწრეთა შეფასებით, მოხსენებები აქტუალურ თემებს ეხებოდა და თითოეულს პრაქტიკული მნიშვნელობა ჰქონდა.
