24 აპრილს, 16:00 საათზე, სასტუმრო “გორი ინნში” რეგიონის ყველაზე პროგრესული და ლიდერი პედაგოგები შეიკრიბებიან. კონფერენცია, რომელიც “ტექნოპარკისა” და “AI აკადემიის” ორგანიზებით იმართება, მიზნად ისახავს “AI გლობალური განათლების ასოციაციის” პრეზენტაციას და იმ ახალი სტანდარტების დანერგვას, რაც ციფრულ ეპოქაში მასწავლებლის კონკურენტუნარიანობას განსაზღვრავს.
ღონისძიებაზე მიწვეულნი არიან განათლების სფეროს ის წარმომადგენლები, რომლებიც მზად არიან, ტექნოლოგიური ტრანსფორმაციის სათავეში ჩაუდგნენ საკუთარ სკოლებს. კონფერენციის ფარგლებში წარდგენილი იქნება “AI პრაქტიკული გზამკვლევის”, რომელიც მასწავლებლებს ხელოვნური ინტელექტის პრაქტიკულ გამოყენებაში დაეხმარება.
ორგანიზატორების განმარტებით, თანამედროვე განათლების ბაზარზე მასწავლებლის სტატუსი პირდაპირ კავშირშია მის ტექნოლოგიურ კომპეტენციასთან. ის პედაგოგები, რომლებიც “AI გლობალური განათლების ასოციაციის” მიღმა დარჩებიან, რისკავენ დაკარგონ ციფრული ლიდერის პოზიციები, რადგან ასოციაციის წევრობა ხდება ხარისხის ერთგვარი სტანდარტი.
რას გულისხმობს ასოციაციის წევრობა და რა უპირატესობა ექნებათ აქ გაერთიანებულ პედაგოგებს, ეს ყველაფერი დეტალურად სწორედ კონფერენციაზე იქნება განხილული.
“პედაგოგი, რომელიც არ ფლობს AI ინსტრუმენტებს, ციფრულ ეპოქაში კარგავს კონკურენტულ უპირატესობას. ჩვენი მიზანია, გორიდან დავიწყოთ ლიდერი მასწავლებლების გაერთიანება, რომლებიც განათლების მომავალს შექმნიან“, – აცხადებენ ორგანიზატორები.
კონფერენცია 24 აპრილს “გორი ინნში” გაიმართება, ხოლო მაისში უფრო მასშტაბური ღონისძიება თბილისშია დაგეგმილი . ასოციაციაში გაწევრიანება და შესაბამისად კონფერენციაზე დასწრება მსურველ პედაგოგებს 21 აპრილამდე შემდეგ ბმულზე შეეძლებათ: https://forms.gle/NPJ3TcBRMcQb5MhE6
