28 წლის ანასტასია ახალშობილის გოგონას დედაა, რომელიც მხარდაჭერას საჭიროებს. მისთვის ეს პირველი შვილია და მის მოვლასთან დაკავშირებით გამოცდილება არ აქვს. ოჯახთან ერთად 4 თვე მოუწია ოკუპირებულ ხერსონში ცხოვრება. უკრაინიდან საქართველოში ივლისში ჩამოვიდა. ჯერ ბათუმში, შემდეგ კი თბილისში ცხოვრობდა.
“თავიდან მოსახლეობის დაბომბვა ნაკლებად იყო, მაგრამ ქალაქში იყო საკვების პრობლემა და სიტუაცია ნელ-ნელა დაიძაბა. შემდეგ დაიწო ქალაქის დაბომბვა და იქ დარჩენა ორსული ქალისთვის უკვე სარისკო იყო. გადავწვიტეთ საქართველოსთვის შეგვეფარებინათ თავი. დედამთილთან ერთად დავტოვე ქვეყანა, მეუღლე იქ დარჩა. საქართველოში ივლისში ჩამოვედით. თავიდან ცოტა ხანს ბათუმში, შემდეგ კი თბილისში ვცოვრობდით, მაგრამ ბოლოს ეკონომიური პრობლემების გამო, გორზე შევაჩერეთ არჩევანი და უკვე 5 თვეა აქ ვართ. ძირითადად მეზობლები და სახლის მეპატრონე გვეხმარება საკვებით და პირველადი საჭიროების ნივთებით. მეუღლეს მხოლოდ სოციალური ქსელით ვესაუბრები. ამჟამად ის ქალაქ ოდესაში ცხოვრობს”,– ამბობს ანასტასია.
ოჯახი ჩართულია ბინის ქირავნობის პროგრამაში, რომლის ფარგლებშიც ყოველთვიურად გორის მერია 400 ლარის ოდენობით თანხას ურიცხავს. ოჯახიდან არავინ მუშაობს.
ანასტასიას ძირითადად ბავშვის მოვლასთან დაკავშირებულ საჭიროებებზე საუბრობს. ესაჭიროება პედიატრი, ვინაიდან ახალშობილი ერთი თვის ხდება და აცრების ჩატარებას და ჯანმრთელობის მდგომარეობის შემოწმებას საჭიროებს. ასევე ესაჭიროება პამპერსი.
ნეო ტვ-ს პროექტის ფარგლებში “ქალთა ფონდის მხარდაჭერით” ანასტასიას სისტემატურად უტარდება ფსიქოლოგიური კონსულტაციები და საჭიროების შემთხვევაში სათანადო დახმარება მიეწოდება.
