“ინოვაციები კურიკულუმში სოციალური ჩართულობის მხარდასაჭერად” – ძირითად მიზნებსა და ამოცანებზე დღეს პროექტის წარმომადგენლებმა ნეო ტვ-ს სტუდიაში ისაუბრეს. მათი განმარტებით, პროექტი ხელს შეუწყობს შშმ პირთა სოციალურ ჩართულობას, სკოლებში ინკლუზიური განათლების ხარისხის გაუმჯობესების გზით. პროექტის ფარგლებში დაგეგმილია ახალი კურსების მომზადება, რომელიც მომავალ პედაგოგებს შეზღუდული შესაძლებლობებისა და სპეციალური საგანმანთლებლო საჭიროებების მქონე მოსწავლეებთან მუშაობისთვის მოამზადებს. ასევე, დაგეგმილია სპეციალური მასწავლებლებისთვის სასერთიფიკატო პროგრამის მომზადება. საინფორმაციო შეხვედრა დღეს გორში მოეწყო, უახლოეს დღეებში კი იმავე მიზნით სხვა ქალაქებშიც იგეგმება.
