გორის მე-8 საჯარო სკოლაში დღეს “მწვანე გაკვეთილი” ჩატარდა. “ირაოს” წარმომადგენლებმა მოსწავლეებს გლობალური დათბობის შესახებ მიაწოდეს ინფორმაცია და წარმოქმნილი საფრთხეების შემცირებისთვის შესაბამისი გზები გააცნეს.
“მე-8 საჯარო სკოლაში ბავშვებს ავუხსენით რას ნიშნავს გლობალური დათბობა, რა ნაბიჯების გადადგმა შეგვიძლია კლიმატის ცვლილებების შესარბილებლად და რატომ არის მნიშვნელოვანი გარემოს დაცვა. გვქონა პატარა აქტიოვობაც, რის შემდეგაც გადავეცით სიგელები, როგორც გარემოს დამცველ ჩემპიონებს”, – აღნიშნა “ირაოს” წარმომადგენელმა, სალომე ქურდაძემ.
“მწვანე გაკვეთილის” შემდეგ მოსწავლეებმა სტუმრებთან ერთად, სკოლის მიმდებარე ტერიტორია დაასუფთავეს. პროცესს მე-2 კლასის დამრიგებელი და მოსწავლეების მშობლებიც შეუერთდნენ.
“ადრეული ასაკიდან ცნობიერების ამაღლება გლობალურ დათბობასთან და წარმოქმნილ პრობლემებთან დაკავშირებით ძალიან მნიშვნელოვანია. ამ მხრივ ინფორმირებული ადამიანი მომავალში მეტად გაუფრთხილდება გარემოს, არ დაანაგვიანებს, არ დააბინძურებს, ხეებს არ მოჭრის და ა.შ. სწორედ ცნობიერების ამაღლება იყო დღევანდელი ჩვენი ვიზიტის მიზანიც”, – აღნიშნა კომპანიის წარმომადგენელმა, ნანა ჩოჩიამ.
