მოხისის დევნილთა დასახლებაში, საქართველოს ევროპული მომავლის შესახებ დისკუსია გაიმართა, რომელსაც ნეო ტვ-ს პროექტის მონაწილე, ლიკა მზარეულიშვილი უძღვებოდა. შეხვედრას სამაჩაბლოდან დევნილი ქალები ესწრებოდნენ, რომლებმაც მათ გარშემო გავრცელებული ყალბი ამბები დაასახელეს და მის საპირწონედ, რეალურ ფაქტებზე დაფუძნებული ინფორმაცია მოისმინეს.
“ფონდი ტასოს” მიერ მხარდაჭერილი პროექტის ფარგლებში ევროკავშირის მხარდაჭერის მნიშვნელობაზე შეხვედრები შიდა ქართლის 15 სოფელში ჩატარდა, რომლის ორგანიზატორები ნეო ტვ-ს ბაზაზე არსებული “ღია მონაცემების ჰაბის” წევრები არიან. გასულ წელს მათ სპეციალური ტრენინგ-სემინარები გაიარეს და გავრცელებული მითების საპასუხოდ, ანალიტიკური მასალები მოამზადეს. პროექტის მონაწილეები სოკუპაციო ხაზის სოფლებსა და დევნილთა დასახლებებში გამართულ შეხვედრებზე, სწორედ ამ მასალების პრეზენტაციებს აკეთებდნენ.
