დასრულდა ორ დღიანი ტრენინგი თბილისში, რომელიც “სამოქალაქო განვითარების ახალგაზრდული ცენტრის” ორგანიზებით, მედიაწიგნიერების შესახებ გაიმართა. ღონისძიებაში მონაწილეობა მიიღეს შიდა ქართლის რეგიონში, საოკუპაციო ხაზთან მდებარე სოფლებში მცხოვრებმა ახალგაზრდა ლიდერებმა. ტრეინინგი მიზნად ისახავდა მონაწილეებისთვის საჭირო ცოდნისა და უნარების განვითარებას, რათა მათ შეძლონ ადგილობრივ დონეზე ცნობიერების ამაღლება მედიაწიგნიერების საკითხებზე, ევრო-ატლანტიკური ინტეგრაციის მნიშვნელობის, დეზინფორმაციისა და მისი თანმდევი საფრთხეების შესახებ და იმოქმედონ, როგორც თანატოლგანმანათლებლებმა საკუთარ თემში.
“ღონისძიება ჩატარდა პროექტის ,”ნატოს შესახებ ინფორმირებულობისა და ცნობიერების დონის ამაღლება საოკუპაციო ხაზის მიმდებარე სოფლებში“ ფარგლებში, რომელიც ხორციელდება ნატოს სახალხო დიპლომატიის განყოფილების ფინანსური მხარდაჭერით. პროექტი მიზნად ისახავს ახალგაზრდების ცნობიერების ამაღლებას გლობალურ უსაფრთხო გარემოში ნატოს როლთან და საქართველო-ნატოს თანამშრომლობის პერსპექტივების შესახებ, ასევე, დემოკრატიული ღირებულებების პოპულარიზაციასა და დეზინფორმაციასთან ბრძოლას, ახალგაზრდების მედია
წიგნიერების უნარების განვითარების გზით”, – აღნიშნავენ ორგანიზატორები.
მსგავსი სახის შეხვედრები სამიზნე აუდიტორიასთან სამომავლოდაც გაგრძელდება, შიდა ქართლში პროექტის მედიაპარტნიორია ნეო ტვ.
