ლიზი პეტრიაშვილი, გიორგი ბალანჩივაძე, თენგო კანდელაკი და ლიზი ნებიერიძე FLEX პროგრამის 2024 წლის კურსდამთავრებულები არიან, საქართველოს ცოტა ხნის წინ დაუბრუნდნენ და ცდილობენ მომავალ აპლიკანტებს მიაწოდონ ინფორმაცია პროგრამის შესახებ.
ლიზი პეტრიაშვილი – კალიფორნიაში, გიორგი – მისურიში, თენგო – პენსილვანიაში, ლიზი ნებიერიძე – ოჰაიოს შტატებში ცხოვრობდნენ.
“ჩვენ როგორც პროგრამის გამარჯვებულებს შესაძლებლობა მოგვეცა ერთი წელი სრულიად უფასოდ ამერიკის შეერთებულ შტატებში გაგვეტარებინა. ჩვენს ამერიკულ სკოლაში ჩარიცხვას და ოჯახში განსახლებას სრულად უზრუნველყოფდა აშშ-ს დეპარტამენტი. ამით კი არა მხოლოდ ხელი შეუწყეს ჩვენს პიროვნულ განვითარებას, არამედ არაჩვეულიბრივი და თავგადასავლებით სავსე წელიც გვაჩუქეს საქართველოს 70 მოსწავლეს. პროგრამამ მოგვცა შესაძლებლობა ჩვენი კულტურა გაგვეზიარებინა და ვყოფილიყავით საქართველოს პატარა ელჩები“, -ამბობენ სამშობლოში დაბრუნებული ახალგაზრდები.
წლევანდელი მონაწილეების შერჩევა უკვე დაწყებულია. მონაწილეობის მისაღებად უნდა იყოთ დაბადებული 2008 წლის 1 იანვრიდან 2010 წლის 15 ივლისის ჩათვლით, ირიცხებოდეთ ქართულ სკოლაში და იყოთ მე-9, მე-10 ან მე-11 კლასის მოსწავლე. პროგრამა მორგებულია შშმ პირებზეც. ის 30 წელია ხორციელდება. შესარჩევი ეტაპი საკმაოდ კომპლექსურია, პირველი ეტაპი ონლაინ აპლიკაციას მოიცავს, მეორე ინგლისურის ონლაინ ტესტს, ხოლო მესამე ინტერვიუს, 3 ესეს და ვრცელ აპლიკაციას. რეგისტრაცია 26 სექტემბრამდე შეგიძლიათ და დაინტერესებულ და წარმატებულ აპლიკანტებს შესაძლებლობა აქვთ ერთი წელი ამერიკაში სრულიად უფასოდ გაატარონ, პროგრამის ავტორების თქმით, ეს პროგრამა სრულიად ცვლის მონაწილე ახალგაზრდების ცხოვრებას.
