“ჰაკერები თავისუფალი ხალხია. ისინი ჰგვანან ხელოვანებს, რომლებიც თუ კარგ ხასიათზე არიან, დილით დგებიან და იწყებენ ხატვას. ჰაკერებიც ასე არიან. დილით იღვიძებენ, კითხულობენ საერთაშორისო საქმეებში განვითარებულ მოვლენებს და თუ პატრიოტული აზროვნება აქვთ, მაშინ ცდილობენ თავიანთი წვლილი შეიტანონ ისე, როგორც მათ მიაჩნიათ სწორად მტრის წინააღმდეგ ბრძოლაში” – რუსეთის პრეზიდენტის ამ სიტყვებით იწყება ვიდეომასალა, სახელწოდებით “რუხი ზონა”, რომელიც GMG-ს და Neo Tv – ს ერთობლივი თანამშრომლობით მომზადდა.
დეზინფორმაცია-პროპაგანდის შედეგებსა და რუსეთის ჰიბრიდული ომის სართხეებზე დისკუსია დღეს გორელ ახალგაზრდებთან მოეწყო. მათი განმარტებით, ყალბი ამბების გავრცელება და შემდეგ მათი ასახვა საზოგადოებაზე მნიშვნელოვნად აზიანებს დემოკრატიულ პროცესებს ქვეყანაში, გამოსავალს კი ახალი თაობა ამ მხრივ მედიაწიგნიერებაში ხედავს.
“რუხი ზონა” ნათლად ასახავს ყველა იმ ეტაპზს, რასაც საქართველოს მოქალაქეებზე ფსიქოლოგიური მანიპულაციებისთვის რუსეთი ამ დრომდე აქტიურად იყენებს. გამოწვევების დაძლევის შესაძლებლობები ამ სფეროს სპეციალისტებმა 10 დეკემბერს, ადამიანის უფლებების დაცვის დღისადმი მიძღვნილ ღონისძიებაზეც მიმოიხილეს, რომელიც NEO TV – ს გუნდმა დანიის სამეფოს “ახალი დემოკრატიის ფონდის” (NDF) მიერ მხარდაჭერილი პროექტის ფარგლებში გამართა.
Neo Tv -ს აღნიშნული აქტივბები გერმანული და ფრანგული მედიების ობიექტივშიც მოექცა.
