ბავშვის დაბადება ყოველი მშობლის ცხოვრებაში ყველაზე ბედნიერი, თუმცა, ამავდროულად, ყველაზე მშფოთვარე პერიოდია. უძილო ღამეები, უამრავი კითხვა პატარას მოვლაზე, კვებაზე თუ უსაფრთხოებაზე – ეს ის გამოწვევებია, რომელთა წინაშეც ახალბედა დედ-მამა მარტო რჩება. სწორედ ამ სტრესის შესამსუბუქებლად და მშობლების დასახმარებლად, 1 ივნისიდან ახალი, უპრეცედენტო მხარდაჭერის პლატფორმა – ახალშობილთა სერვისების კაბინეტი “ფლამინგო” იწყებს ფუნქცნიონირებას.
“ფლამინგო – ეს არის გამოცდილი პროფესიონალების გუნდი, რომელიც მშობლებს სრულ სიმშვიდესა და უსაფრთხოების გარანტიას სთავაზობს. კაბინეტის სერვისები მოიცავს ყველაფერს, რაც ახალშობილის პირველ თვეებშია საჭირო: სამშობიაროდან გამოწერის შემდგომი ბინაზე მომსახურების სპეციალური პაკეტები, ინდივიდუალური კონსულტაციები და სასწავლო პრაქტიკული კურსები ორსულებისა და დედებისთვის. აქ მშობლები მიიღებენ ზუსტ ცოდნას ძუძუთი კვების, ძილის რეჟიმის, აბაზანისა და ექსტრემალურ სიტუაციებში პირველადი დახმარების შესახებ. გარდა ამისა, ცენტრი უზრუნველყოფს პოსტმშობიარობის შემდგომ ფსიქოლოგიურ მხარდაჭერას, ლაბორატორიული კვლევების დაგეგმვასა და ბავშვის ოთახის უსაფრთხოების მოწყობა-შემოწმებას”, – აცხადებს “ფლამინგოს” დამფუძნებელი და ხელმძღვანელი, მარინა ღარიბაშვილი.
“ფლამინგოს” გუნდის განმარტებით, ახალშობილთა კაბინეტი ყველასთვის ხელმისაწვდომი იქნება. ამასთან, სოციალური პასუხისმგებლობიდან გამომდინარე, კაბინეტში იმოქმედებს სპეციალური, განსაკუთრებული შეღავათები მრავალშვილიანი დედებისთვის.
პროფესიონალების გუნდი მუშაობას 1 ივნისიდან იწყებს, თუმცა, მაღალი მოთხოვნიდან გამომდინარე, წინასწარი ჩაწერა და კონსულტაციების დაჯავშნა უკვე დაწყებულია.
თუ გსურთ, თქვენი შვილის პირველი დღეები იყოს მშვიდი, დაცული და თავისუფალი ზედმეტი სანერვიულოსგან, დაიკავეთ ადგილი გამოცდილ სპეციალისტებთან და დაუკავშირდით “ფლამინგოს” შემდეგ ნომერზე: 555 55 60 50
