20-21-22 აპრილს, ჯანდაცვის სფეროში მომუშავე ან ამ მიმართულებით დაინტერესებულ პირებს, უპრეცედენტო კურსის გავლის შესაძლებლობა ეძლევათ. “AI მედიცინაში” ასე ჰქვია პროგრამას, რომელიც კოლეჯ “ამაგისა” და ხელოვნური ინტელექტის აკადემიის (ტექნოპარკი) ურთიერთთანამშრომლობის ფარგლებში ხორციელდება. კურსის მიზანია სამედიცინო პერსონალს, ასევე ამ სფეროთი დაინტერესებულ პირებს გააცნოს ხელოვნური ინტელექტის პრაქტიკული გამოყენების შესაძლებლობები, რაც მათ ყოველდღიურ საქმიანობას მნიშვნელოვნად გაამარტივებს და ახალ საფეხურზე აიყვანს.
სამდღიან ინტენსიურ ტრენინგს AI აკადემიისა და ტექნოპარკის დამფუძნებელი, ოთარ კვირიკაშვილი გაუძღვება, რომელსაც ხელოვნური ინტელექტისა და კიბერუსაფრთხოების მიმართულებით 10 წელზე მეტი ხნის გამოცდილება აქვს.
კურსის ფარგლებში მსმენელები შეისწავლიან:
- Gemini-სა და სხვა AI ინსტრუმენტების ყოველდღიურ საქმიანობაში ეფექტურად დანერგვას;
- სამედიცინო დოკუმენტაციის მომზადების დროის 40-დან 2-3 წუთამდე შემცირებას;
- სანდო, სამეცნიერო ინფორმაციის მოძიებასა და ზუსტი პასუხების მისაღებად სწორი კითხვების ფორმულირებას (Prompt Engineering);
- რთული დიაგნოზების პაციენტებისთვის მარტივ, გასაგებ ენაზე ახსნას;
- უცხოენოვან პაციენტებთან რეალურ დროში, ბარიერების გარეშე კომუნიკაციას;
- ინდივიდუალური მკურნალობისა და კვების გეგმების შექმნას, ასევე AI-ის მიერ დაშვებული შეცდომების ამოცნობას.
ტრენინგები ჩატარდება კოლეჯ “ამაგის” შესაბამის სივრცეში, მისამართი: გორი, ცხინვალის გზატკეცილი N9
კურსის ღირებულებაა 150 ლარი (ფასი მოიცავს ტრენინგსა და ელექტრონულ სასწავლო მასალას). კურსის გავლის შემდეგ მონაწილეებს ორენოვანი სერტიფიკატი გადაეცემათ.
რეგისტრაციისთვის გადადით ბმულზე: https://shorturl.at/wzhll
