10 დეკემბერი ადამიანის უფლებების დაცვის დღეა. ამ თარიღთან დაკავშირებით თბილისსა და რეგიონებში სხვადასხვა ღონისძიებაა დაგეგმილი. გორში კი ადამიანის უფლებრივი მდგომარეობისადმი მიძღვნილ შეხვედრას Neo Tv უმასპინძლებს.
მომხსენებლები სხვადასხვა სფეროს წარმომადგენლები იქნებიან, რომლებსაც რეგიონში საქმიანობიდან გამომდინარე, ადამიანის უფლებების დაცვასთან ყოველდღიური შეხება აქვთ.
ალექსი მერებაშვილი – “ადამიანის უფლებათა ცენტრის” იურისტი გორში
ეკატერინე სუხიშვილი – “მეცნიერებათა სკოლის დირექტორი; ექიმი.
თემურ სამხარაძე – ფსიქოლოგი
ქეთევან ბებიაშვილი – “საქართველოს ახალგაზრდა იუისტთა ასოციაციის” გორის ოფისის ხელმძღვანელი.
პანელური დისკუსია NEO TV – ს სივრცეში, 13:00 საათზე დაიწყება. შეხვედრის მეორე ნაწილში კი ევროინტეგრაციის თემაზე გამოცხადებული სტატიების კონკურსის გამარჯვებული დაჯილდოვდება და NEO FEST – 2023 – ის ტიტული გადაეცემა.
შეხვედრა პროექტის – “NEO FEST – 2023 – ევროინტეგრაციისა და დემოკრატიის განვითარებისთვის” ფარგლებში გაიმართება, რომლის მხარდამჭერია “ფონდი ტასო”.
