ლიკა თითლაძე
ხშირად ვრცელდება მოსაზრება, რომ ევროკავშირის წევრი სახელმწიფოებისთვის ოჯახური ღირებულებები, ფასეულობები და ტრადიციები უცხოა. კრემლის პროპაგანდისტები აღნიშნული შეხედულების არგუმენტად განქორწინებათა მაღალ მაჩვენებელს ასახელებენ. მაშინ როცა რუსეთში წლიდან წლამდე , რეგისტრირებულ ქორწინებათა რიცხვის ნახევარზე მეტი განქორწინებით სრულდება.
მეორე და მესამე ქორწინების პროცენტული მაჩვენებელი გაცილებით მაღალია რუსეთის ფედერაციაში (52%), ვიდრე ევროპის ისეთ ქვეყნებში, როგორებცაა იტალიაში, ლიეტუვაში, გერმანიაში, ბულგარეთში, ლატვიაში და სხვ.
უფრო მეტიც, ევროკავშირის წევრი სახელმწიფოები განსაკუთრებულ ყურადღებას აქცევენ ოჯახში ძალადობისა და ჩაგვრის წინააღმდეგ პოლიტიკის შემუშავებას და განხორციელებას, რასაც რუსული დეზინფორმაციული ნარატივები ამ მიდგომებს უგულებელყოფენ და ცდილობენ საზოგადოება შეცდომაში შეიყვანონ. საქართველოს მოქალაქეთა ნაწილს ისინი სხვადასხვა მეთოდით აჯერებენ, რომ რაც მეტად დაუახლოვდება საქართველო ევროკავშირს, მით მეტად დაკარგავს ქართველი ხალხი ოჯახურ ღირებულებებს და მრავალსაუკუნოვან ტრადიციებს. თუმცა სტატისტიკას თუ გადავხედავთ ოჯახის ფენომენზე თავად რუსეთშია სავალალო ვითარება. საქართველოში კი არსებული მდგომარეობის უკეთესობისკენ შესაცვლელად ევროკავშირი სწორედ ადამიანის უფლებების დაცვისკენ მოგვიწოდებს, სადაც ადამიანები ერთმანეთის მიმართ არ იძალადებენ, ურთიერთპატივისცემას შეძლებენ და დანაშაულის სტატისტიკას შემაცირებენ. სიმშვიდე და სტაბილურობა საქართველოში ვის არ აწყობს, ამაზე პასუხი მარტივია და ამისთვის საქართველოს უახლოესი წარსულის გადახედვაც საკმარისია.
წყარო: საქსტატი
