47 წლის ტატიანა იანჩუკი დასთან და მცირეწლოვან დისშვილთან ერთად ბათუმში ცხოვრობს. ამბობს, რომ ზამთრის სეზონზე განსაკუთრებით გაუჭირდათ და ბათუმის დატოვება გადაწყვიტეს.
ტატიანა ქალაქ ჟიტომირიდანაა. უკრაინა 2022 წლის მარტში დატოვა, როდესაც მის ქალაქში მასიური სროლები დაიწყო. 3 თვე პოლონეთში ცხოვრობდა, შემდეგ ისევ უკან დაბრუნდა, ბოლოს კი ბათუმში დასახლდა.
“პოლონეთში სირთულეს წარმოადგენდა სამუშაოს მოძიება და იძულებული გავხდი უკან უკრაინაში დავბრუნებულიყო ცოტა ხნით. მშობლიურ ქალაქში გაუსაძლისი იყო სიტუაცია, არ იყო სამუშაო, ხშირი იყო დაბომბვები, იქ დარჩენა არ იყო უსაფრთო და ახლობლების რჩევით საქართველოს შევაფარეთ თავი. თავდაპირველად მე და ჩემ დას სასტუმროების დალაგებით გაგვქონდა თავი, მაგრამ ზამთრის პერიოდი მეტად რთული გამოდგა. პრობლემაა გათბობა და საკვებისთვის თანხის გამომუშავება. დისშვილი ონლაინ გაკვეთილებს ესწრება. არ დადის ადგილობრივ სკოლაში. ვცადეთ სოციალურ დახმარებაზე განაცხადის შეტანა, მაგრამ უშედეგოდ”,-ამბობს ის.
უკრაინიდან ლტოლვილი ოჯახი არ იღებს არანაირ დახმარებას, ამიტომ ფიქრობს საცხოვრებლად გორში გადასვლას. ისინი გორში ერთოთახიან ბინას ეძებენ ქირით და ამბობენ, რომ საოჯახო საქმეების შესრულებით მინიმალურ თანხაზეც იმუშავებენ.
