24 თებერვალს, 16:00 საათზე შიდა ქართლში მცხოვრებ უკრაინელ ლტოლვილებს სხვადასხვა სფეროს წარმომადგენლები შეხვდებიან. შეხვედრას ნეო ტვ მასპინძლობს და მისი მიზანია, ომით დაზარალებულთა საჭიროებების პირადად გაცნობა და მათი ადგილზე გადაწყვეტა.
ნეო ტვ პერიოდულად აცნობს საზოგადოებას შიდა ქართლში მცხოვრები უკრაინელი ქალების პრობლემებს, რის შედეგადაც არაერთმა ადამიანმა თუ ორგანიზაციამ გამოიჩინა ყურადღება მათ დასახმარებლად. სპეციალურ გადაცემაში “მედიატორი” ისინი თანადგომას, დახმარებას და სხვადასხვა საჭიროებების მოსაგვარებლად, მხარდაჭერას ითხოვენ.
რუსეთის უკრაინაში შეჭრიდან ერთი წლის თავზე დაგეგმილ შეხვედრაზე სწორედ უკრაინელი ლტოლვილების საჭიროებების განხილვა იგეგმება იმ ადამიანებთან ერთად, რომლებსაც დაზარალებულთა მხარდაჭერაში გარკვეული წვლილის შეტანა შეუძლიათ.
