რა პრობლემებს ვხვდებით სოციალურ ქსელებში? – ეს იყო მთავარი საკითხი, რომლის შესახებაც გორის მე-9 საჯარო სკოლაში ტრენინგი ჩატარდა. ბოლო პერიოდში საკმაოდ აქტუალურ თემაზე მოსწავლეებს კიბერუსაფრთხოების სპეციალისტი, ლიკა ომაძე ესაუბრა, შემდეგ კი მათ შეკითხვებს უპასუხა. მსგავსი აქტივობები რეგიონში NEO TV – ს პროექტის ფარგლებში მიმდინარეობს, რა დროსაც მოზარდებს, გორის მერიის მხარდაჭერით სიღრმისეული ინფორმაცია მიეწოდებათ, თუ რაზე უნდა იყვნენ ყურადღებით, როგორ უნდა დაიცვან პირადი მონაცემები და რა უნდა გაითვალისწინონ სოციალურ ქსელებში აქტიურობისას.
“ტრენინგი ციფრულ უსაფრთხოებას ეხებოდა. თემის აქტუალობიდან გამომდინარე საუბარი გვქონდა როგორც ინტერნეტში არსებულ რისკებზე, ისე გაჯეტების მოხმარებაზე და მის თანმდევ პრობლემებზე. ტრენინგის პროცესი საკმაოდ საინტერესო და აქტიური იყო, რაც მთავარია მონაწილეებმა გაიაზრეს ის პრობლემები რასაც ციფრულ სამყაროშ ხვდებიან. მოვისმიმეთ მათი დამოკიდებულება სოციალურ ქსელებზე. გვქონდა პრაქტიკული ქეისების განხილვაც. მოხარული ვარ, რომ მონაწილეების უმრავლესობას უკუკავშირიც შესაბამისი ჰქონდა, ვიმედოვნებ რომ კარგად გაიაზრებენ სატრენინგო თემებს და გაითვალისიწნებენ პრაქტიკაში. რაც მთავარია ხდება გააზრება თუ რამდენად არაპროდუქტიულს ხდის მოზარდებს სოციალური ქსელების გამოყენება, მაშინ როდესაც ეს შესაძლებლობა შეგვიძლია ჩვენთვის სასარგებლოდ გამოვიყენოთ”,-აღნიშნა ლიკა ომაძემ.
მსგავსი ტრენინგი გასულ თვეს მე-8 საჯარო სკოლაშიც ჩატარდა, რომელსაც კიბერუსაფრთხოების სპეციალისტი, ნათია სიდამონიძე უძღვებოდა.
